అంత్య పుష్కరాల్లో కాటారం కార్యదర్శుల సేవలు

ఎండను సైతం లెక్కచేయకుండా భక్తులకు నిత్యం సేవలు
నవతెలంగాణ – కాటారం
కాళేశ్వరం అంత్య పుష్కరాల సందర్భంగా భక్తులకు మెరుగైన సౌకర్యాలు కల్పించడంలో కాటారం కార్యదర్శులు, సిబ్బంది విశేషంగా సేవలందిస్తున్నారు. మండుతున్న ఎండలను సైతం లెక్కచేయకుండా తెల్లవారుజాము నుంచే విధుల్లో నిమగ్నమై భక్తులకు సహాయం చేస్తున్నారు. పుష్కర ఘాట్ల వద్ద భక్తులకు ఎలాంటి ఇబ్బందులు తలెత్తకుండా పర్యవేక్షణ చేస్తూ సేవాభావంతో పనిచేస్తున్నారు.
భక్తుల రద్దీ అధికంగా ఉండటంతో క్యూలైన్ల నిర్వహణ, త్రాగునీటి సదుపాయం, వైద్య సేవలు, పారిశుధ్య నిర్వహణ వంటి అంశాల్లో కాటారం కార్యదర్శులు ప్రత్యేక శ్రద్ధ చూపుతున్నారు. వృద్ధులు, మహిళలు, చిన్నారులకు ప్రత్యేక సహాయం అందిస్తూ పుష్కర స్నానాలు సాఫీగా జరిగేలా చర్యలు తీసుకుంటున్నారు.
ఎండ తీవ్రత ఎక్కువగా ఉన్నప్పటికీ విధుల పట్ల నిబద్ధతతో పనిచేస్తున్న కార్యదర్శుల సేవలను భక్తులు అభినందిస్తున్నారు. ఎప్పటికప్పుడు పరిస్థితులను సమీక్షిస్తూ అవసరమైన సూచనలు ఇస్తూ భక్తులకు ఎలాంటి అసౌకర్యం కలగకుండా కృషి చేస్తున్నారు.
పుష్కరాల సందర్భంగా ప్రభుత్వం కల్పించిన సౌకర్యాలను సమర్థవంతంగా అమలు చేయడంలో కార్యదర్శుల పాత్ర ఎంతో కీలకమని స్థానికులు పేర్కొన్నారు. సేవా దృక్పథంతో పనిచేస్తున్న సిబ్బంది కారణంగా కాళేశ్వరం పుష్కరాలు ప్రశాంత వాతావరణంలో కొనసాగుతున్నాయని భక్తులు తెలిపారు