నవతెలంగాణ – ఆర్మూర్
పట్టణంలోని మిని స్టేడియం, జడ్పీహెచ్ఎస్ బాయ్స్ క్రీడా మైదానంలో గురువారం జరిగిన జిల్లా సీఎం కప్ సాప్ట్ బాల్ టోర్నమెంట్ లో 8 మహిళల 8 పురుషుల జట్లు పాల్గొన్నాయని జిల్లా డివైస్ఓ పవన్ కుమార్ తెలిపారు. టోర్నమెంట్ ప్రారంభ కార్యక్రమానికి ముఖ్య అతిథిగా స్థానిక పాఠశాల ప్రధానోపాధ్యా,యులు లక్ష్మీ నరసయ్య ప్రారంభించి క్రీడాకారులను ఉద్దేశించి మాట్లాడుతూ.. తెలంగాణ రాష్ట్ర క్రీడాకారులను ఒలంపిక్స్ స్థాయిలో రాణించేలా ప్రభుత్వం కార్యక్రమాలు చేపట్టడం పట్ల ఆనందం వ్యక్తం చేస్తూ గెలుపు ఓటములను సమానంగా తీసుకోవాలని సూచించారు.
పురుషుల విభాగంలో ప్రథమ బహుమతి ఆర్మూర్, ద్వితీయ బహుమతి తొర్లికొండ, తృతీయ బహుమతి కమ్మర్పల్లి, మహిళల విభాగంలో ప్రథమ బహుమతి సుద్ధపల్లి, ద్వితీయ బహుమతి ఆర్మూర్ ,తృతీయ బహుమతి ముచ్కూర్ లు పొందినాయి.
ఈ కార్యక్రమంలో జిల్లా సాఫ్ట్ బాల్ అసోసియేషన్ ప్రధాన కార్యదర్శి మర్కంటి గంగా మోహన్, సంయుక్త కార్యదర్శి ఎం సుజాత, జిల్లా బేస్ బాల్ అసోసియేషన్ ప్రధాన కార్యదర్శి సొప్పరి వినోద్, వ్యాయామ ఉపాధ్యాయులు స్వప్న, వీణ, జోష్ణ సాఫ్ట్ బాల్ కోచ్ లు నరేష్, అనికేత్, రాహుల్ , సీనియర్ క్రీడాకారులు పాల్గొన్నారు.
