డిఫరెంట్‌ సై-ఫై యాక్షన్‌ థ్రిల్లర్‌

”శుక్ర”, ”మాటరాని మౌనమిది”, ”ఏ మాస్టర్‌ పీస్‌” వంటి డిఫరెంట్‌ సినిమాలతో మూవీ లవర్స్‌ దష్టిని ఆకట్టుకుంటున్న దర్శకుడు పూర్వాజ్‌ ”కిల్లర్‌” అనే సై-ఫై యాక్షన్‌ థ్రిల్లర్‌ మూవీని రూపొందిస్తున్నారు. ఈ చిత్రంలో ఆయన హీరోగా నటిస్తుండటం విశేషం. జ్యోతి పూర్వజ్‌ హీరోయిన్‌గా నటిస్తుండగా, విశాల్‌ రాజ్‌, దశరథ, చందూ, గౌతమ్‌ ఇతర కీలక పాత్రల్లో నటిస్తున్నారు. ఏయు అండ్‌ ఐ, మెర్జ్‌ ఎక్స్‌ ఆర్‌ సంస్థతో కలిసి థింక్‌ సినిమా బ్యానర్‌ పై ఈ చిత్రాన్ని నిర్మిస్తున్నారు. పూర్వాజ్‌ ప్రజరు కామత్‌, ఎ. పద్మనాభరెడ్డి ఈ కొలాబ్రేషన్‌ లో నిర్మాణమవుతున్న రెండవ చిత్రమిది.
బుధవారం ”కిల్లర్‌” మూవీ గ్లింప్స్‌ తెలుగుతో పాటు కన్నడ భాషల్లో రిలీజ్‌ చేశారు. మైథాలజీ, సైన్స్‌ ఫిక్షన్‌, సూపర్‌ హీరో..ఇలాంటి ఎలిమెంట్స్‌ తో గ్లింప్స్‌ ఆద్యంతం ఆసక్తికరంగా సాగింది. ఈ మూవీ గ్లింప్స్‌ ఎలా ఉందో చూస్తే – ప్రాచీన వైమానిక శాస్త్రంలో ఆశ్చర్యపరిచే మానవ మేథస్సు రహస్యాలు వెల్లడించారు. ఆత్మ కలిగిన యంత్రాలు చూస్తారంటూ వైమానిక శాస్త్రంలో చెప్పిందే నిజం కాబోతోందా అంటూ ఈ గ్లింప్స్‌ ప్రారంభమైంది. డి బౌండ్‌ అనే డిజార్డర్‌ తో బాధపడుతున్న హీరోయిన్‌ రారు, పూర్తిగా కోలుకుంటే పునర్జన్మ ఎత్తినట్లే అని, అప్పుడు ఆమెకు ఎదురు నిలవడం ఎవరి వల్లా కాదని గ్లింప్స్‌లో చూపించారు. సూపర్‌ షీ క్యారెక్టర్‌ లో జ్యోతి రారు చేసిన స్టన్నింగ్‌ యాక్షన్‌, సెటిల్డ్‌ పర్‌ ఫార్మెన్స్‌ హైలైట్‌ గా నిలుస్తోంది. లవ్‌, రొమాన్స్‌, రివేంజ్‌, ఆర్టిఫిషల్‌ ఇంటెలిజెన్స్‌, థ్రిల్లర్‌ అంశాలతో ఈ సినిమా రూపొందించినట్లు గ్లింప్స్‌ తో తెలుస్తోంది. మొదలెడదామా అంటూ గ్లింప్స్‌ చివరలో హీరో, డైరెక్టర్‌ పూర్వాజ్‌ పవర్‌ ఫుల్‌ డైలాగ్‌తో ఆకట్టుకున్నారు. హైక్వాలిటీ మేకింగ్‌, వీఎఫ్‌ఎక్స్‌ గ్లింప్స్‌కు ఆకర్షణగా నిలుస్తున్నాయి.
ప్రస్తుతం చిత్రీకరణ తుది దశకు చేరుకుంటున్న ఈ సినిమా త్వరలోనే ప్రేక్షకుల ముందుకు వచ్చేందుకు సిద్ధమవుతోంది.
జ్యోతి పూర్వజ్‌, పూర్వాజ్‌, విశాల్‌ రాజ్‌, దశరథ, చందూ, గౌతమ్‌, తదితరులు నటిస్తున్న ఈ సినిమాకి సినిమాటోగ్రఫీ – జగదీశ్‌ బొమ్మిశెట్టి, మ్యూజిక్‌ – ఆశీర్వాద్‌ , సుమన్‌ జీవ, లైన్‌ ప్రొడ్యూసర్‌ – దశరథ, నిర్మాతలు – పూర్వాజ్‌, ప్రజరు కామత్‌, ఎ. పద్మనాభరెడ్డి. రచన,దర్శకత్వం – పూర్వాజ్‌.