– ప్రముఖ వ్యాపారవేత్త, విద్యాదాత, సంఘ సేవకులు తిమ్మయ్య గారి సుభాష్ రెడ్డి
నవతెలంగాణ – కామారెడ్డి, బిబిపేట్
కామారెడ్డి జిల్లా జనగామ గ్రామానికి చెందిన ప్రముఖ వ్యాపారవేత్త, విద్యాదాత, సంఘ సేవకులు తిమ్మయ్య గారి సుభాష్ రెడ్డి ఆయన సొంత గ్రామం జనగామలో దసరా రోజున దుర్గామాత మండపంలో సతీ సమేతంగా పాల్గొని ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ ప్రతి ఒక్కరు సుఖశాంతులతో సంతోషంగా ఉండాలని దుర్గా దేవిని ప్రార్థించడం జరిగిందన్నారు.
ప్రతి ఒక్కరి పిల్లలను పనులు (బాల కార్మికులుగా) చేయించకుండా పాఠశాలలకు పంపించి విద్యాబుద్ధులు నేర్పించాలని ఈ సందర్భంగా ప్రజలకు సూచించారు. ఈ కార్యక్రమంలో గ్రామ మాజీ సర్పంచ్ మట్ట శ్రీనివాస్, వెంకట్ గౌడ్, శ్రీనివాసరావు, నారాయణరెడ్డి, నాగరాజు రెడ్డి, వెంకట్ రెడ్డి, సిద్ది రెడ్డి, బాపురెడ్డి, భూమా గౌడ్, శ్రవణ్ కుమార్, జీవన్ రెడ్డి తదితరులు పాల్గొన్నారు.
