నవతెలంగాణ-హైదరాబాద్ : హైదరాబాద్ మహానగరంలో రోజూ దుర్గం చెరువ కేబుల్ బ్రిడ్జిని చూసేందుకు వందల మంది వస్తుంటారు. దీంతో నిత్యం దుర్గం చెరువు కేబుల్ బ్రిడ్జి రద్దీగా ఉంటుంది.ఈ బ్రిడ్జి చూడడానికి నగర వాసులే కాకుండా జిల్లాల నుంచి తరలివస్తుంటారు. ఈ క్రమంలోనే ఇక్కడ రాత్రుళ్లు పుట్టినరోజు వేడుకలు జరుపుకోవడం సర్వసాధారణంగా మారింది. ఈ క్రమంలో రోడ్డుపై రద్దీ పెరిగి ప్రమాదాలకు దారి తీస్తున్న నేపథ్యంలో నగర పోలీసులు కీలక నిర్ణయం తీసుకున్నారు. దుర్గం చెరువు కేబుల్ బ్రిడ్జిపై వాహనాన్ని నిలిపితే రూ. 1000 ఫైన్ వేస్తామని సైబరాబాద్ పోలీసులు ప్రకటించారు. వంతెనపై వాహనాన్ని నిలిపి సెల్ఫీ తీసుకుంటుండగా కారు ఢీ కొనడంతో ఓ వ్యక్తి చనిపోవడంతో పోలీసులు అప్రమత్తమయ్యారు. ఇకపై కేబుల్ బ్రిడ్జిపై బర్త్ డే వేడుకలు కూడా చేసుకునేందుకు అనుమతి లేదని పోలీసులు స్పష్టం చేశారు. ఇనార్బిట్ మాల్ వద్ద వెహికల్స్ నిలిపి ఫుట్పాత్ మీదుగా వచ్చి వీక్షించవచ్చని వెల్లడించారు.
Related posts:
సీపీఐ(ఎం) రాష్ట్ర కార్యదర్శి తమ్మినేనికి అస్వస్థత
రేపు సాయంత్రంలోగా వివరాలు ఇవ్వండి: సీఎస్‌ శాంతికుమారి కీలక ఆదేశాలు
తమ్మినేని హెల్త్ బులెటిన్‌ విడుదల చేసిన ఏఐజీ ఆస్పత్రి
ఢిల్లీకి ఆరెంజ్ అలర్ట్…పంజాబ్, హ‌ర్యానాకు రెడ్ అలర్ట్
ఘనంగా ప్రారంభమైన జల్లికట్టు ఉత్సవాలు
పచ్చిమాంసం తినొద్దన్నందుకు … యువకుడి హత్య