నవతెలంగాణ- భిక్కనూర్: బిక్కనూర్ మండలంలోని ర్యాగట్లపల్లి గ్రామానికి చెందిన 20 మంది బీజేపీ, కాంగ్రెస్ పార్టీకి చెందిన యువకులు బీఆర్ఎస్ రాష్ట్ర యూత్ ప్రతినిధి గంప శశాంక్ సమక్షంలో బుధవారం బీఆర్ఎస్ పార్టీలో చేరారు. ఈ సందర్భంగా గంప శశాంక్ మాట్లాడుతూ 30 రోజులపాటు యూత్ నాయకులు సైనికుల్లా పనిచేసి ముఖ్యమంత్రి కేసీఆర్ ను భారీ మెజార్టీతో గెలిపించాలని సూచించారు. ముఖ్యమంత్రి గెలిచిన తర్వాత నియోజకవర్గం మరింత అభివృద్ధి చెందుతుందని, మండల నిరుద్యోగులకు ఉపాధి అవకాశాలు లభిస్తాయని తెలిపారు. ఈ కార్యక్రమంలో ఆత్మ కమిటీ చైర్మన్ నరసింహారెడ్డి, ఎంపీపీ గాల్ రెడ్డి, జెడ్పిటిసి పద్మ నాగభూషణం గౌడ్, బీఆర్ఎస్ యూత్ మండల అధ్యక్షుడు బుర్రి రంజిత్ వర్మ, పార్టీ సీనియర్ నాయకుడు నాగన్నగారి మల్లారెడ్డి, గ్రామ పార్టీ నాయకులు ఉన్నారు.
