ధాన్యం తరలించాలని రోడ్డెక్కిన రైతులు

నవతెలంగాణ – ఇల్లంతకుంట : మండలంలోని వెంకట్రావుపల్లె గ్రామంలో ధాన్యం తరలించడానికి లారీలు రాక పోవడంతో బుధవారం రైతులు రోడ్డెక్కారు. ఈ సందర్భంగా వారు మాట్లాడుతూ నెల రోజులుగా ధాన్యం తూకం వేయకుండా కాలయాపన చేస్తున్నారని ఆగ్రహం చెందారు. తూకం వేసిన ధాన్యాన్ని సకాలంలో మిల్లుకు తరలించడంలోనూ తీవ్ర జాప్యం జరుగుతోందని రైతులు ఆందోళన వ్యక్తం చేశారు. లారీలు రాక తూకం వేసిన ధాన్యం బస్తాలు ఎండకు ఎండి వానకు నానుతున్నాయని వాపోయారు. లారీ డ్రైవర్లు ఒక బస్తాకు రూ.2చొప్పున వసూలు చేస్తున్నారని, మరోవైపు బస్తాకు 2నుంచి 3 కిలోలు అధిక తూకం వేస్తున్నారని తెలిపారు. తూకం వేసిన ధాన్యం బస్తాలు రోజుల తరబడి కేంద్రాల్లో ఉండడం వల్ల తరుగు వస్తోందన్నారు. మండుటెండలో ప్రధాన రహదారిపె గంట పాటు ధర్నా చేయడంతో పెద్దఎత్తున ట్రాఫిక్‌ స్తంభించింది. స్థానిక ఏఎస్సై మోతీరాం తన సిబ్బందితో వచ్చి సదరు సెంటరుకు రోజువారీగా లారీలు పంపిస్తామని హామీ ఇవ్వడంతో ధర్నాను విరమించారు.

Related posts:

కళాశాలలకు దసరా సెలవులు ఎన్నిరోజులంటే? Vinay Bhaskar: పాదయాత్ర పేరుతో బండి సంజయ్ ప్రజలను రెచ్చగొడుతున్నారు. ఎంపీ దత్తత గ్రామంగా నర్సింహుల పల్లి క్రీడాకారులకు బహుమతులు అందజేస్తున్న సర్పంచ్ పుట్ట వెంకటమ్మ రామయ్య ధాన్యంను వెంటనే కొనుగోలు చేయాలని రోడ్డెక్కి ధర్నా చేస్తున్న రైతులు సమావేశంలో మాట్లాడుతున్న కాంగ్రెస్ మండల అధ్యక్షులు రాజేష్