దుబాయ్ లో ఏఎఫ్‌ఎం ప్రాపర్టీస్‌ ప్రెజెంట్స్‌ ‘గామా’ తెలుగు మూవీ అవార్డ్స్‌ రాష్ట్ర ఎడిషన్‌ వేడుక మార్చి 3న జరగనుంది. ఏఎఫ్‌ఎం ప్రాపర్టీస్‌ సారధ్యంలో ‘గామా’ అవార్డ్స్‌ చైర్మన్‌ కేసరి త్రిమూర్తులు ఈ వేడుకను నిర్వహించబోతున్నారు. శుక్రవారం ఈ వేడుకకు సంబంధించిన కర్టెన్‌ రైజర్‌ కార్యక్రమం హైదరాబాద్‌ ప్రసాద్‌ ల్యాబ్స్‌లో నిర్వహించారు. ఈ కార్యక్రమానికి జ్యూరీ చైర్మన్‌గా వ్యవహరిస్తున్న మ్యూజిక్‌ డైరెక్టర్‌ కోటి, జ్యూరీ సభ్యులు విఎన్‌ ఆదిత్య, రఘు కుంచె, నిర్మాత డీ వీ వీ దానయ్య, దర్శకుడు సాయి రాజేష్‌, ప్రసన్న, హీరోయిన్‌ డింపుల్‌ హయతి, గామా అవార్డ్స్‌ సీఈఓ సౌరభ్‌, ఏఎఫ్‌ఎం ప్రాపర్టీస్‌ సుశీల్‌, ఫణి మాధవ్‌ కలిసి ఈ అవార్డుకు సంబంధించి ట్రోఫీ లాంచ్‌ చేశారు. 2021, 2022, 2023లో విడుదలైన చిత్రాల నుంచి బెస్ట్‌ యాక్టర్‌ (మేల్‌, ఫిమేల్‌), బెస్ట్‌ మూవీ డైరెక్టర్‌, బెస్ట్‌ మ్యూజిక్‌ డైరెక్టర్‌, బెస్ట్‌ సింగర్‌ (మేల్‌, ఫిమేల్‌), బెస్ట్‌ బ్యాక్‌ గ్రౌండ్‌ స్కోర్‌, బెస్ట్‌ లిరిక్స్‌, బెస్ట్‌ సెలబ్రిటీ సింగర్‌, వంటి వివిధ కేటగిరీలకు అవార్డ్స్‌ అందజేయనున్నారు.
