సాధారణంగా వినికిడి సమస్య ఉన్న వారికి మాటలు కూడా రావు. అలాంటి వారి స్వరాన్ని కనుగొనేం దుకు విశేష కృషి చేస్తున్నది ఐశ్వర్య కర్నాటికి. బధిరుల కోసం ఏదైనా చేయాలనే ఆమె తపనే గ్లోవాట్రిక్స్‌ను స్థాపించేలా చేసింది. వారి కోసం ఏఐ-శక్తితో కూడిన గ్లోవ్‌లను అభివృద్ధి చేసింది. సంకేత భాషను అనువదించడా నికి కృత్రిమ మేధస్సును ఉపయో గించే వినూత్న గ్లోవ్‌లను అభివృద్ధి చేసిన ఆమె పరిచయం నేటి మానవిలో…
ఐశ్వర్య 8వ తరగతి చదువుతున్నప్పుడు తన పాఠశాలలో వికలాంగ పిల్లలకు బోధించడానికి ప్రత్యేక విభాగం ఉండేది. విద్యార్థి మండలిలో భాగంగా ఆమె ప్రతి వారం ఈ పిల్లలతో ముచ్చటించేవారు. ఈ పరస్పర చర్యల సమయంలో సెరిబ్రల్‌ పాల్సీ, ఆటిజం, లోకోమోటివ్‌ డిజార్డర్స్‌ ఉన్న పిల్లలు ఒకరితో ఒకరు మాట్లాడుకోవచ్చని ఆమె గమనించింది. కానీ చెవిటి పిల్లవాడు మాత్రం ఎవరితోనూ మాట్లాడలేకపోయేవాడు. ‘అతని సైగల భాష ఎవరికీ అర్థమయ్యేది కాదు. దాంతో అతను ఎప్పుడూ ఒంటరిగా ఉండేవాడు. అందుకే నేను అతనితో మాట్లాడటానికి సంకేత భాష నేర్చుకోవడం ప్రారంభించాను’ అని ఐశ్వర్య అంటున్నారు.
కృత్రిమ మేధస్సుతో…
అప్పటి నుంచి ఐశ్వర్య బధిర సమాజానికి ఏదైనా చేయాలనుకున్నారు. కానీ ఆమె కోరిక నెరవేరింది మాత్రం ఆమె కోరుకున్న 12 ఏండ్ల తర్వాత. ఐశ్వర్య, పరీక్షిత్‌ సోహోనితో కలిసి 2020లో గ్లోవాట్రిక్స్‌ అనే సంస్థను స్థాపించారు. ఇది పూణేకి చెందిన స్టార్టప్‌. ఇది సంకేత భాషను వాయిస్‌లోకి అనువదించడానికి కృత్రిమ మేధస్సును ఉపయోగించే గ్లోవ్‌లను అభివృద్ధి చేసింది. ‘మేము చెవిటి, మాట్లాడే లోపము గల వ్యక్తులను సాధికారత కల్పించడం లక్ష్యంగా పెట్టుకున్నాం. ఎందుకంటే వారు తమ భావాలను వ్యక్తపరచగలరని మేము కోరుకుంటున్నాము” అని ఆమె జతచేస్తుంది.
పిలుపుని అనుసరించడం
ఐశ్వర్యకు వ్యాపారం చేయడమంటే చాలా ఇష్టం. కాలేజీలో చదివే రోజుల్లోనే ఆమె డోనట్స్‌ అమ్మడం వంటి చిన్న వ్యాపారాన్ని నిర్వహించేది. ‘నేను 9 టు 5 చేసే ఉద్యోగం కోసం పుట్టలేదని నాకు తెలుసు. నా సొంతంగా ఏదైనా చేయాలనుకుంటున్నాను’ అని ఆమె జతచేశారు. ఇంజనీరింగ్‌ పూర్తి చేసిన తర్వాత ఆమె తన తండ్రితో కలిసి ఎంఏసీజే అనే క్వాలిటీ అస్యూరెన్స్‌ కంపెనీని ప్రారంభించి తన కలను నెరవేర్చుకుంది. ఈ సంస్థ రియల్‌ ఎస్టేట్‌ భవనాల నాణ్యతను తనిఖీ చేసేది. 2018లో సీట్‌ సెన్సార్‌ల తయారీలో ఉన్న లక్సెంబర్గ్‌కు చెందిన కంపెనీకి టెస్టింగ్‌ సెంటర్‌ను ప్రారంభించి, నిర్వహించే బిడ్‌ను కూడా ఆమె గెలుచుకుంది. అయితే ఆ వెంచర్‌ సవాళ్లను ఎదుర్కొంది. అదే ఏడాది కంపెనీ మూసివేయాల్సి వచ్చింది. అప్పుడే ఆమెకు చిన్నతనంలోని తన కోరిక గుర్తుకొచ్చింది.
నిర్దిష్టమైన ఆలోచన లేదు
ఐశ్వర్య ఎప్పటినుంచో వినికిడి సమస్య ఉన్నవారికి ఏదైనా చేయాలని భావించినా మనసులో నిర్దిష్టమైన ఆలోచన లేదు. ఏడాది తర్వాత 2020లో ఎంబీఏ కోసం సిద్ధమవుతున్నప్పుడు ఒక పార్టీలో సోహోనిని కలుసుకుంది. బధిరుల సంఘం కోసం పని చేయాలనే తన కోరికను పంచుకుంది. ఇద్దరూ కలిసి దాన్ని ప్రారంభించాలనుకున్నారు. ‘గ్లోవాట్రిక్స్‌ను ప్రారంభించడం గురించి నాకు సరైన అవగాహన లేదు. కానీ అప్పుడు కోవిడ్‌ సంభవించింది. దాంతో నేను ఎంబీఏ కోసం విదేశాలకు వెళ్లలేకపోయాను. ఆ సమయాన్ని స్టార్టప్‌లో పెట్టుబడి పెట్టాను’ అని ఆమె చెప్పారు.
మంచి కోసం టెక్‌
ఐశ్వర్య ఎలక్ట్రికల్‌ ఇంజనీరింగ్‌ చదువుతున్నప్పుడు రిమోట్‌ కంట్రోల్‌లకు బదులుగా సంజ్ఞ-నియంత్రిత రోబోటిక్‌ కారులో పనిచేశానని పంచుకున్నారు. ఈ ప్రాజెక్ట్‌ తన స్టార్టప్‌లో కూడా కీలక పాత్ర పోషించిందని ఆమె చెప్పారు. గ్లోవాట్రిక్స్‌లో వారు ఫిఫ్త్‌సెన్స్‌ను అభివృద్ధి చేశారు. ఇది 3డి స్పేస్‌లో చేతి, వేళ్ల కదలికలను మ్యాప్‌ చేసే సెన్సార్‌లతో ఏఐ-ఆధారిత గ్లోవ్‌ లాంటి పరికరం. కుడివైపు పాయింటర్‌ వేలుపై వ్యక్తి సంజ్ఞలు చేసినప్పుడు నొక్కాల్సిన బటన్‌ వుంటుందని ఆమె చెప్పారు. ఇవి అల్గారిథమ్‌ల ద్వారా అమలు చేయబడతాయి. వాటిని వచనంలోకి అనువదిస్తాయి. స్పీకర్‌ ద్వారా ఇది వాయిస్‌గా మార్చబడుతుంది. అదేవిధంగా ఇది మైక్రోఫోన్‌తో కూడా వస్తుంది. మాట్లాడే పదాలను సంగ్రహిస్తుంది. వినికిడి సమస్య ఉన్నవారి కోసం టెక్స్ట్‌, ఇమేజ్‌లుగా మారుస్తుంది.
మరిన్ని సంజ్ఞలను జోడిస్తూనే…
‘మేము 100 సంజ్ఞల ఆధారంగా 98శాతం కచ్చితత్వాన్ని సాధించాం. మరిన్ని సంజ్ఞలను జోడిస్తూనే ఉన్నందున ఇది పెరుగుతూనే ఉంటుంది. కొంతకాలం తర్వాత మేము ఈ ఉత్పత్తిని బి2బి మార్కెట్‌లో కూడా పరిచయం చేస్తాం. మేము ఇప్పటివరకు ఈక్విటీ ఫ్రీ గ్రాంట్లు, ప్రైస్‌ మనీలో రూ. 1 కోటి వరకు సేకరించాము’ అని ఆమె జతచేస్తున్నారు. స్టార్టప్‌ దాని ఎనిమిదవ హార్డ్‌వేర్‌ పునరావృతం, రెండవ యాప్‌ పునరావృతం చేసింది. ప్రస్తుతం దీని ధర రూ. 20,000. ఇండియా సీడ్‌ ఫండ్‌ స్కీమ్‌, నిధి ప్రయాస్‌, బిరాక్‌ బిగ్‌ గ్రాంట్‌ నుండి వీరు నిధులే సేకరించారు. ఇది ‘బెస్ట్‌ ఉమెన్‌ లీడ్‌ అసిస్టెంట్‌ టెక్నాలజీ స్టార్టప్‌’ అవార్డును కూడా గెలుచుకుంది.
టెక్నాలజీని స్వీకరించండి
సామాజిక అభివృద్ధి రంగంలో మహిళలు తక్కువ ఉన్నప్పటికీ, ఈ రోజుల్లో మహిళా వ్యవస్థాపకతను పెంచే అవకాశాలు, పథకాలు పుష్కలంగా ఉన్నాయని ఆమె అభిప్రాయ పడ్డారు. అభివృద్ధి చెందుతున్న టెక్‌ ల్యాండ్‌ స్కేప్‌ను అంగీకరిస్తూనే ఐశ్వర్య ‘టెక్నాలజీని స్వీకరించండి, మీరు దాని నుండి తప్పించు కోలేరు. మిమ్మల్ని మీరు అప్‌డేట్‌ చేసుకుంటూ ఉండండి. ఎప్పటికీ దాన్ని వదులుకోవద్దు. అనుకున్నది కచ్చితంగా సాధించగలరు అని మిమ్మల్ని మీరు నమ్మండి’ అని ఆమె మహిళా పారిశ్రామిక వేత్తలకు చెబుతున్నారు.
మహిళా పారిశ్రామిక వేత్తగా సవాళ్లు
పారిశ్రామికవేత్తగా ఐశ్వర్య ప్రయాణంలో సవాళ్లు తప్పలేదు. రియల్‌ ఎస్టేట్‌ రంగంలో పురుషుల ఆధిపత్యం ఎక్కువ. ఒక పురుష సివిల్‌ ఇంజనీర్‌ కంటే ఫీల్డ్‌లో ఎక్కువ అనుభవం ఉన్నప్పటికీ మహిళ కాబట్టి ఆమె దగ్గర ఆర్డర్లు తీసుకోవడానికి కష్టమర్లు ఇబ్బంది పడేవారని ఐశ్వర్య గుర్తుచేసుకు న్నారు. అదేవిధంగా సేల్స్‌ కాల్‌ కోసం ఒక బిల్డర్‌ని కలిసిన మరొక సందర్భాన్ని గుర్తుచేసుకున్నారు. అతను ‘తుమాÛరీ ఉమర్‌ కిత్నీ హై ఉత్నా మేరా తజుర్బా హై. తుమ్‌ మేరి గల్తీ నీకలోగి’ (నీ వయసు నా అనుభవం అంత లేదు. నువ్వు నా తప్పును ఎత్తిచూపుతావా) అన్నాడు. ‘ఇలాంటి అనుభవాల నుండి ప్రతి ఒక్కరినీ అధిగమిం చడం ద్వారా మాత్రమే గౌరవం పొందగలనని తెలుసుకున్నాను’ అని ఆమె జతచేస్తున్నారు.
