“లీసా” నా కెరీర్ లో గుర్తుండిపోయే సినిమా అవుతుంది – హీరోయిన్ అనన్య నాగళ్ల

నవతెలంగాణ హైదరాబాద్: అనన్య నాగళ్ల హీరోయిన్ గా నటిస్తున్న మూవీ “లీసా”. ఈ చిత్రాన్ని వెంకట్ దుగ్గిరెడ్డి (యూఎస్ఏ), రామకృష్ణ ఐలా (యూఎస్ఏ) నిర్మిస్తున్నారు. సౌజన్య సతీష్ రెడ్డి మాసం కోప్రొడ్యూసర్ గా వ్యవహరిస్తున్నారు. డీవోపీ సతీష్ రెడ్డి మాసం ఈ చిత్రానికి స్క్రీన్ ప్లే సమకూర్చడం విశేషం. లీసా సినిమాకు జవహర్ లాల్ రాజు దర్శకత్వ వహిస్తున్నారు. ప్రస్తుతం ఈ సినిమా రెగ్యులర్ షూటింగ్ జరుపుకుంటోంది. ఆదివారం ఈ సినిమా టైటిల్, ఫస్ట్ లుక్ పోస్టర్ లాంఛ్ ఈవెంట్ హైదరాబాద్ లో ఘనంగా జరిగింది. ఈ కార్యక్రమంలో ప్రముఖ డాక్టర్ ఏఎం రెడ్డి మాట్లాడుతూ – లీసా మూవీ పోస్టర్ చూస్తుంటేనే ఈ సినిమా తప్పకుండా విజయం సాధిస్తుందనే నమ్మకం కలుగుతోంది. అనన్య నాగళ్ల ఈ మూవీలో ఆకట్టుకునేలా కనిపిస్తున్నారు. డా. నిరంజన్ మాట్లాడుతూ వెంకట్ నాకు మంచి మిత్రుడు. వెంకట్ ఇప్పటికి మూడు చిత్రాలు చేశారు. ఈ సినిమా కూడా ఆయనకు మంచి సక్సెస్ ఇవ్వాలని కోరుకుంటున్నా అన్నారు. ప్రొడక్షన్ డిజైనర్ తుమ్మల మధు మాట్లాడుతూ లీసా మూవీ ఫస్ట్ లుక్ పోస్టర్ బాగుంది. అనన్య నాగళ్లను చూడగానే వకీల్ సాబ్ సినిమా గుర్తొస్తుంది. ఈ సినిమా కూడా ఆమెకు మంచి పేరు తీసుకొస్తుంది. లీసా చిత్రం విజయవంతం కావాలని ఆకాంక్షించారు.

నటి జాను వర్మ మాట్లాడుతూ ఈ చిత్రంలో నటించే అవకాశం రావడం హ్యాపీగా ఉంది. ఇంకా నేను ఈ మూవీ సెట్ లో అడుగుపెట్టలేదు. థర్డ్ షెడ్యూల్ లో జాయిన్ అవుతాను. లీసా చిత్రంలో ఒక మంచి రూల్ లో మీ ముందుకు రాబోతున్నారని తెలిపారు. నటుడు యాదమ్మ రాజు మాట్లాడుతూ లీసా సినిమాలో నేను డ్రైవర్ క్యారెక్టర్ లో నటిస్తున్నా. ఈ సినిమా ఔట్ పుట్ చాలా బాగా వస్తోంది. మూవీ మంచి హిట్ కావాలని అన్నారు. నటుడు జెమినీ సురేష్ మాట్లాడుతూ వెంకట్ దుగ్గిరెడ్డి సినిమా మీద ప్యాషన్ తో అమెరికా నుంచి వచ్చి మూవీస్ చేస్తున్నారు. ఆయన చేస్తున్న పాంచాలీ పంచభతృక చిత్రంలోనూ నేను నటిస్తున్నాను. ఈ సినిమాను మేము త్వరగా కంప్లీట్ చేశామంటే అందుకు డీవోపీ సతీష్ రెడ్డి మాసం కారణం. పొట్టేల్ సినిమాలో అనన్యనాగళ్ల నటన నన్ను బాగా ఆకట్టుకుంది. ఈ సినిమా కూడా ఘన విజయం సాధించాలన్నారు.

దర్శకుడు కమల్ రాజ్ మాట్లాడుతూ డీవోపీగా రైటర్ గా నా ఫ్రెండ్ సతీష్ రెడ్డి మాసం సక్సెస్ ఫుల్ జర్నీ చేస్తున్నాడు.ఈ సినిమా స్క్రీన్ ప్లే ఆయన చెప్పినప్పుడు ఈ మూవీ తప్పకుండా సక్సెస్ అవుతుందనే నమ్మకం ఉందన్నారు. దర్శకుడు గంగా సప్తశిఖర మాట్లాడుతూ లీసా మూవీ ఫస్ట్ లుక్ పోస్టర్ ప్రామిసింగ్ గా ఉంది. పోస్టర్ తోనే ఒక పాజిటివ్ వైబ్ కనిపిస్తోంది. సతీష్ రెడ్డి పని రాక్షసుడు. ఆయన చేతిలో సినిమా పడితే ఎలా ఉంటుందో నాకు తెలుసు. అనన్యకు ఈ సినిమా కూడా అవార్డ్స్ తెచ్చిపెట్టాలని ఆకాంక్షించారు. నటుడు కిషోర్ దాస్ మాట్లాడుతూ సినిమా అంటే వినోదాన్ని అందించే గొప్ప మాధ్యమం. మనం సినిమాను గౌరవించాలి. లీసా సినిమా మీరంతా కోరుకునే వినోదాన్ని వందశాతం అందిస్తుంది.ఈ చిత్రంలో ఒక మంచి క్యారెక్టర్ లో మీ ముందుకు రాబోతున్నట్టు చెప్పారు. దర్శకుడు జవహర్ లాల్ రాజు, నిర్మాత రామకృష్ణ ఐలా, నటుడు, నిర్మాత వెంకట్ దుగ్గిరెడ్డి, స్క్రీన్ ప్లే, డీవోపీ సతీష్ రెడ్డి మాసం

హీరోయిన్ అనన్య నాగళ్ల మాట్లాడుతూ – నేను ఏ మూవీ స్క్రిప్ట్ విన్నా ..అందులో నేను చేయడానికి కొత్తగా ఏముంటుంది అనేది చూసుకుంటాను. కొత్తగా, డిఫరెంట్ గా ఉంటేనే ఆ మూవీ అంగీకరిస్తాను. లీసా కథ విన్నప్పుడు ఇలాంటి రోల్ నేను ఎప్పుడూ చేయలేదు అనిపించింది. ఈ సినిమాలో అవకాశం దక్కడం సంతోషంగా ఉంది. లీసా మూవీలో నటిస్తున్నప్పుడు నటిగా ఆ ఫ్రెష్ నెస్ ను ఫీలయ్యా. హీరోయిన్స్ గా మాకు అరుదుగా ఇలాంటి చిత్రాలు దక్కుతుంటాయి. డైరెక్టర్ జవహర్ లాల్ రాజు ఉదయం 7 గంటల నుంచి తెల్లవారి 3 గంటల వరకు కూడా షూట్ చేసేవారు. సతీష్ రెడ్డి బ్యూటిపుల్ విజువల్స్ అందించారు. గతంలో నేను నటించిన ఏ చిత్రంలోని విజువల్స్ కోసం కూడా ఇంతగా ఎగ్జైట్ కాలేదు. ఆయన క్యాప్చర్ చేసిన కొన్ని సీన్స్ చూస్తుంటే ఇంకా వర్క్ చేయాలనే ఇన్స్ పిరేషన్ కలిగింది. లీసా నా కెరీర్ లో గుర్తుండిపోయే సినిమా అవుతుందన్న నమ్మకం ఉందన్నారు.

టెక్నికల్ టీమ్: కాస్ట్యూమ్ డిజైనర్ – బండ్లమూడి గైని ప్రియ, వీఎఫ్ఎక్స్ – శ్రీనాగ్ సప్ప, కొరియోగ్రాఫర్ – స్నేహా అశోక్,

ప్రొడక్షన్ డిజైనర్ – తుమ్మల మధు, లైన్ ప్రొడ్యూసర్ – శ్రీపతి బండ్ల,బోనాల శ్రవణ్, ఎగ్జిక్యూటివ్ ప్రొడ్యూసర్ – పులి రాకేశ్ గౌడ్, ఎడిటర్ – శ్రీధర్ గాదె, క్రియేటివ్ ప్రొడ్యూసర్ – తల్లాడ సాయికృష్ణ, కో ప్రొడ్యూసర్ – సౌజన్య సతీష్ రెడ్డి మాసం,

ప్రొడ్యూసర్స్ – వెంకట్ దుగ్గిరెడ్డి (యూఎస్ఏ), రామకృష్ణ ఐలా (యూఎస్ఏ), స్క్రీన్ ప్లే, సినిమాటోగ్రఫీ – సతీష్ రెడ్డి మాసం

స్క్రిప్ట్, డైరెక్షన్ – జవహర్ లాల్ రాజు, పీఆర్ఓ – సతీష్. కె