కొచ్చిన్‌లో ‘పిట్టల’ పర్యటన

– కేరళ మత్స్య పరిశ్రమపై అధ్యయనం
నవతెలంగాణ-హైదరాబాద్‌బ్యూరో
కేరళ రాష్ట్రంలోని కొచ్చిన్‌లో తెలంగాణ రాష్ట్ర ఫిషరీస్‌ ఫెడరేషన్‌ చైర్మెన్‌ పిట్టల రవీందర్‌ పర్యటిస్తున్నారు. నాలుగు రోజుల ఈ పర్యటనలో ఆయన కేరళ మత్స్య పరిశ్ర మపై అధ్యయనం చేస్తారు. ఈ సందర్భంగా 11 సంస్థలను ఆయన పరిశీలిస్తారని బుధవారంనాడొక పత్రికా ప్రకటనలో తెలిపారు. తెలంగాణలో మత్స్య కారులు వినియోగిస్తున్న సాంప్రదాయ తెప్పలు, పుట్టీలకు బదులు సౌరశక్తి, జలశక్తి సంయుక్త వినియోగంతో నడిచే తేలికపాటి మర పడవలను ప్రవేశపెట్టేందుకు వీలున్న అవకాశాలను ఈ పర్యటనలో ప్రధానంగా పరిశీలిస్తారని పేర్కొన్నారు. రాష్ట్రంలోని మత్స్య కారులకు శిక్షణ, చేపల వేటలో అనుసరించాల్సిన సురక్షిత విధానాలు, ప్రాసెసింగ్‌, చేపల ఆహార తయారీలో వస్తున్న మార్పులు, ఎగుమతులు, అదనపు ఆదాయ మార్గాలు తదితర అంశాలను అధ్యయనం చేస్తారని వివరించారు.

Spread the love