- Advertisement -
అమ్మే మంచిదిరా
అని చెప్పిన నాన్న
అమ్మను ఒంటరి చేసి
ముందే వెళ్లిపోయాడు
అమ్మ పిచ్చిదిరా
అని జాలిపడ్డ నాన్న
అమ్మను నిజంగానే
పిచ్చిదాన్ని చేసి
ముందే వెళ్లిపోయాడు
అమ్మకు పుణ్యస్త్రీత్వం
బహుమతిగా
లభించాలనుకున్న నాన్న
అమ్మకు వైధవ్యాన్ని కానుకిచ్చి
ముందే వెళ్లిపోయాడు
మా అందరికీ
అమ్మే ధైర్యమని చెప్పిన నాన్న
మా అమ్మకు మాత్రం
తనే ధైర్యమన్న సంగతి మరిచి
వెళ్లిపోయాడు!
– చిత్తలూరి, 9133832246
- Advertisement -
