ఆ.. ఎమోషన్‌ అద్భుతం

రామ్‌ పోతినేని నటించిన తాజా సినిమా ‘ఆంధ్ర కింగ్‌ తాలూకా’. మైత్రి మూవీ మేకర్స్‌ నిర్మిస్తున్న ఈ చిత్రానికి మహేశ్‌ బాబు పి దర్శకత్వం వహించారు. భాగ్యశ్రీ బోర్సే కథానాయికగా నటిస్తుండగా, కన్నడ సూపర్‌స్టార్‌ ఉపేంద్ర ఆన్‌-స్క్రీన్‌ సూపర్‌స్టార్‌ పాత్రను పోషిస్తున్నారు.
ఈ చిత్రం ఈనెల 27న థియేటర్లలోకి రానుంది. ఈ సందర్భంగా ఉపేంద్ర మీడియాతో సినిమా విశేషాలు పంచుకున్నారు.
ఈ కథని ఒక ప్రేక్షకుడిగా విన్నాను. స్టొరీ చెప్పగానే ఫ్యాన్స్‌కి కనెక్ట్‌ అయిపోయాను. ఇందులో చాలా అద్భుతమైన ఎమోషన్‌ ఉంది. అందరి జీవితంలో ఇలాంటి ఎమోషన్‌ ఉంటుంది. అది నాకు ఎమోష నల్‌గా బాగా కనెక్ట్‌ అయ్యింది. అసలు అభిమానుల ప్రేమకు లాజిక్‌ ఉండదు. ఎందుకు ఇంతగా ప్రేమి స్తారు? దానికి మనం అర్హులమేనా? అనిపిస్తుం టుంది కదా. అందుకు నేను బాగా కనెక్ట్‌ అయ్యాను.
ఫ్యాన్స్‌తో నాకు చాలా మెమోరియల్‌గా ఉండే మూమెంట్స్‌ ఉన్నాయి. నేను నా బర్త్‌ డే (సెప్టెంబర్‌ 18)ని ఫ్యాన్స్‌ డేగా అనౌన్స్‌ చేశాను. ఆ రోజంతా వాళ్లదే. ఎంతో మంది ఫ్యాన్స్‌ వచ్చి లక్షల్లో ఖర్చు పెట్టి, పెద్ద వేడుకల చేస్తారు. పెద్ద కటౌట్టు ్లపెడతారు. సింహాసనం మీద కూర్చో పెడతారు. పూలతో అభిషేకం చేస్తారు. నేను ఎంత వద్దని చెబుతున్నా.. ఈరోజు మాదే అంటారు. వాళ్ళ అభిమానానికి అవధులు లేవు.
ఇందులో సూపర్‌ స్టార్‌ సూర్యగా కనిపిస్తాను. ఒక స్టార్‌ జీవితం ఎలా ఉంటుందో అలానే ఉంటుంది. ఫ్యాన్స్‌ క్రేజ్‌, అప్‌ అండ్‌ డౌన్స్‌ అన్నీ ఉంటాయి. హ్యూమన్‌ ఎమోషన్స్‌, ప్రేమ, రిచ్‌, పూర్‌కి మధ్య ఉండే ఒక సంఘర్షణ ఎలివేషన్స్‌ అన్ని కమర్షియల్‌ యాంగిల్‌లో చేసిన సినిమా ఇది. అవన్నీ సినిమాకి అద్భుతంగా కలిసి వచ్చాయి. ఒక స్టార్‌కి, అభిమానికి మధ్య ఉండే ఎమోషన్‌ని చాలా అద్భుతంగా చెప్పారు. అది చాలా కొత్తగా అనిపిస్తుంది.
మైత్రి రవి, డైరెక్టర్‌ మహేష్‌ బాబు వచ్చి ఈ కథ చెప్పారు. వాళ్లు చెప్తున్నప్పుడే చాలా అద్భుతంగా కనెక్ట్‌ అయ్యాను. ఒక్కొక్క డైలాగ్‌ మనసును హత్తుకునే లాగా ఉంది. ప్రతి సీనుకు మధ్య ఉండే కనెక్షన్‌ అద్భుతం. ఇలాంటి మంచి సినిమా చేసినందుకు మైత్రి మూవీ మేకర్స్‌కి థ్యాంక్యూ చెప్పాలి.
ఈ సినిమాలో నేను భాగమైనందుకు చాలా ఆనందంగా ఉంది. ఫ్యాన్స్‌కి ఏదైనా చెప్పాలని ఒక కోరిక ఉంటుంది. అది ఈ సినిమాతో దొరికినందుకు చాలా సంతోషంగా ఉంది.
చిన్నప్పుడు సినిమా చూడటం పెద్ద విషయం. అదొక గ్రేట్‌ ఎక్స్‌పీరియన్స్‌. ఏడాదికి ఒకసారి వెళ్ళడమే గొప్ప. నేను సినిమాల్లోకి వచ్చిన తర్వాత రజనీకాంత్‌, చిరంజీవి సినిమాలను ఫస్ట్‌ డే ఫస్ట్‌ షో చూసేవాడిని. నాగార్జున ‘శివ’ సినిమా కూడా ఫస్ట్‌ డే ఫస్ట్‌ షో చూశాను.
రామ్‌ ఎక్స్ట్రార్డినరీ ఎనర్జిటిక్‌ పెర్ఫార్మర్‌. ఇంటర్వెల్‌ సీక్వెన్స్‌లో ఆయన యాక్షన్‌ చూస్తే గూస్‌ బంప్స్‌ వస్తాయి. ఆ సీన్‌ మీరు చూసినప్పుడే మీరే చెప్తారు. ఆయన రియల్‌గా ఒక ఫ్యాన్‌ లాగా నటించారు. ఒక స్టార్‌ అయి ఉండి అలా నటిం చడం అంత ఈజీ కాదు. ఒక అభిమానిలో ఉండే అమాయకత్వం, ఎనర్జీ, మాస్‌ అన్ని అద్భుతంగా కనిపించాయి. ఒక స్టార్‌కి, అభిమానికి మధ్య ఉండే కనెక్షన్‌ డివైన్‌. అలాంటి ఒక ఎమోషన్‌ని ఆయన పండించిన విధానం అద్భుతం.
భాగ్యశ్రీతో నాకు కాంబినేషన్‌ సీన్స్‌ ఉన్నాయి. ఇందులో రామ్‌, భాగ్యశ్రీ మధ్య కెమిస్ట్రీ చాలా అద్భుతంగా వర్క్‌ అయింది. ఒక రెట్రో ఫీలింగ్‌ని కలిగించే ఆ లవ్‌ స్టోరీ హార్ట్‌ టచ్చింగ్‌గా ఉంటుంది. నేటివిటీని అద్భుతంగా తీసుకువచ్చారు. డైరెక్టర్‌కి హ్యాట్సాఫ్‌ చెప్పాలి. చిన్న చిన్న డీటైయిల్స్‌ మీద చాలా చక్కని వర్క్‌ చేశారు.
నాలుగు పాటలు జనాల్లోకి అద్భుతంగా వెళ్ళాయి. ఇందులో ఒకటి బ్యాక్‌గ్రౌండ్‌ సాంగ్‌ వస్తుంది. అది కూడా మంచి బీట్‌లో చేశారు. కొన్ని సినిమాలకి అన్ని చక్కగా కుదురుతాయి. ఈ సినిమా కూడా మంచి మ్యూజిక్‌, ఫోటోగ్రఫీ, మంచి ఆర్టిస్టులు, మంచి ప్రొడక్షన్‌ హౌస్‌ అందరు కూడా కలిసికట్టుగా మంచి వర్క్‌ ఇచ్చారు.
నా డైరెక్షన్లో చిరంజీవితో సినిమా చేయాలని ఎప్పటినుంచో అనుకుం టున్నాను. అదొక పెద్ద డ్రీమ్‌. అన్ని కుదిరితే డెఫినెట్‌గా చేస్తాను.