బీఆర్ఎస్ నుంచి కాంగ్రెస్ లోకి చేరికలు

నవతెలంగాణ –  జుక్కల్
ఎమ్మెల్యే క్యాంపు కార్యాలయంలో జుక్కల్ మండలంలోని డోన్గావ్ గ్రామానికి చెందిన కాంగ్రెస్ పార్టీ నాయకులు సంతోష్ అప్ప ఆధ్వర్యంలో శనివారం మాజీ ఎమ్మెల్యే హన్మంత్ షిండే సొంత గ్రామానికి చెందిన బీఆర్ఎస్ నాయకులు, కార్యకర్తలు జుక్కల్ ఎమ్మెల్యే తోట లక్ష్మీ కాంతారావు సమక్షంలో భారీగా బిఆర్ఎస్ పార్టీ కార్యకర్తలు కాంగ్రెస్ పార్టీలో చేరారు. ఈ సందర్భంగా ఎమ్మెల్యే తోట లక్ష్మీ కాంతారావు మాట్లాడుతూ.. రాబోయే రోజులలో జుక్కల్ మండలం ప్రజల తలరాతలు మారుతాయి అని, తప్పకుండా గ్రామాలలో కాంగ్రెస్ పార్టీకి ఓటు వేసి సర్పంచ్లను అత్యధికంగా గెలిపించుకోవాలని పార్టీ కార్యకర్తలకు పిలుపునిచ్చారు. ఈ కార్యక్రమంలో మండలంలోని వివిధ గ్రామాల కాంగ్రెస్ పార్టీ కార్యకర్తలు తదితరులు పాల్గొన్నారు.