నామినేషన్ సెంటర్స్ ను సందర్శించిన కలెక్టర్

నవతెలంగాణ – బొమ్మలరామారం 
గ్రామపంచాయితీ సాధారణ ఎన్నికలలో భాగంగా మండల వ్యాప్తంగా మొదటి విడుతలో జరుగుతున్న గ్రామపంచాయతీ ఎన్నికలకు సంబంధించి మర్యాల, చీకటి మామిడి నామినేషన్ సెంటర్ల ను శనివారం జిల్లా కలెక్టర్ హనుమంతు రావు సందర్శించారు. చివరి రోజు కాబట్టి సాయంత్రం ఐదు గంటల వరకు వేయించాలన్నారు. ఎలాంటి పొరపాట్లు జరగకుండా నామినేషన్ల ప్రక్రియను నిర్వహించాలని, నామినేషన్ దరఖాస్తు ఫారాలు తీసుకున్న వారి వివరాలను కూడా రిజిస్టర్ లో నమోదు చేయాలని కలెక్టర్ సూచించారు. ప్రతి నామినేషన్ సెంటర్ వద్ద హెల్ప్ డెస్క్ ఏర్పాటు చేశామని, నామపత్రాలు దాఖలు చేసే విషయంలో అభ్యర్థులకు అవసరమైన సహకారం అందించాలని సూచించారు. ఎన్నికల కమిషన్ మార్గదర్శకాలను తు.చ తప్పకుండా పాటిస్తూ, ప్రశాంత వాతావరణంలో ఎన్నికల ప్రక్రియను నిర్వహించాలని అన్నారు. ఎన్నికల ప్రవర్తనా నియమావళి పక్కాగా అమలయ్యేలా చూడాలన్నారు. గ్రామపంచాయతీ ముందు బారిగేట్లు ఏర్పాటు చేయాలని పోలీస్ అధికారులకు ఆదేశించారు.ఎన్నికల నిర్వహణకు సంబంధించి ఎలాంటి సందేహాలు ఉన్నా, పై అధికారులను సంప్రదించాలని సూచించారు. కలెక్టర్ వెంట స్థానిక అధికారులు ఉన్నారు.