మన వ్యవసాయాన్ని ప్రపంచస్థాయికి తీసుకుపోదాం

అధికారులతో మంత్రి తుమ్మల

నవతెలంగాణ బ్యూరో-హైదరాబాద్‌
తెలంగాణ వ్యవసాయ రంగాన్ని ప్రపంచస్థాయికి తీసుకుపోవాలని వ్యవసాయ శాఖమంత్రి తుమ్మల నాగేశ్వరరావు వ్యాఖ్యానించారు. శనివారం హైదరాబాద్‌లో ”విజన్‌ డాక్యుమెంట్‌ 2047”పై ఆయన సమీక్షించారు. ఈ డాక్యుమెంట్‌లో కీలక భాగంగా రూపొందుతున్న ”తెలంగాణ వ్యవసాయ – 2047 అగ్రిచాప్టర్‌”పై ఉన్నతాధికారులకు పలు సూచనలు చేశారు. భవిష్యత్తు వ్యవసాయ అభివృద్ధికి ఈ సమ్మెట్‌ పునాది వేయనుందని తెలిపారు. 2047 నాటికి తెలంగాణ వ్యవసాయం ఎలా ఉండాలి? దానికోసం ఏ విధమైన వ్యూహాలు, విధానాలు, మౌలిక సదుపాయాలు అవసరం?, ఏ యే రంగాలు అత్యంత కీలకమనే అంశాలను శాస్త్రీయంగా పరిశీలించి ఈ నివేదిక రూపొందించనున్నట్టు తెలిపారు. తయారీలో రాష్ట్రానికి చెందిన వ్యవసాయ, హార్టికల్చర్‌, రీసెర్చ్‌, మార్కెటింగ్‌ సంస్థల ఉన్నతాధికారులు, నిపుణులు పాల్గొన్నారని చెప్పారు. ఈ సమావేశంలో వ్యవసాయశాఖ సెక్రెటరీ సురేంద్రమోహన్‌, వ్యవసాయ డైరెక్టర్‌ గోపి, హార్టికల్చర్‌ డైరెక్టర్‌ యాస్మిన్‌ బాషా, వ్యవసాయ వర్సిటీ వైస్‌ ఛాన్స్‌లర్‌ జానయ్య, ఉద్యానవర్సిటీ వైస్‌ ఛాన్స్‌లర్‌ రాజిరెడ్డి పాల్గొన్నారు.