గెలుపు కోసం డబ్బు ఉన్న వ్యక్తుల వైపే మొగ్గు
నవతెలంగాణ – మద్నూర్
మద్నూర్, డోంగ్లి, మండలాల్లో థర్డ్ ఫేస్ లో జరిగే సర్పంచ్ ఎన్నికల్లో అధికార కాంగ్రెస్ పార్టీ, ప్రతిపక్ష బిజెపి, బీఆర్ఎస్ పార్టీలు గెలుపు కోసం పట్టు బిగిస్తున్నాయి. గ్రామపంచాయతీలలో అభ్యర్థుల గెలిపే ముఖ్యంగా పలుకుబడి ఉన్నా లేకపోయినా డబ్బు ఉన్న వ్యక్తుల వైపే ముగ్గు చూపుతున్నారని చర్చలు జోరుగా వినిపిస్తున్నాయి. అధికార కాంగ్రెస్ పార్టీలో సీనియర్ కాంగ్రెస్ పార్టీ నాయకులకు సర్పంచ్ ఎన్నికల్లో పోటీకి దించుతున్నారు. ఇక బి ఆర్ఎస్, బిజెపి, పార్టీలలో అధికార కాంగ్రెస్ అభ్యర్థికి ధీటుగా గెలుపు కోసం డబ్బు ఉన్న వ్యక్తులను వెతుకుతున్నట్లు వినికిడి. అధికార కాంగ్రెస్ పార్టీ ప్రతిపక్ష బీఆర్ఎస్ పార్టీలో సర్పంచ్ స్థానాలకు అభ్యర్థుల ఎంపిక లో కొన్ని స్థానాల్లో ఆయా పార్టీలో నాయకులు కార్యకర్తలు నారాజ్ గా ఉన్నట్లు చర్చలు జరుగుతున్నాయి.
ఇరు మండలాల పరిధిలో మొత్తం 34 గ్రామపంచాయతీలు ఉన్నాయి వీటిలో మద్నూర్ మండలంలో 21 గ్రామపంచాయతీలు డోంగ్లి మండలంలో 13 గ్రామపంచాయతీలు ఉన్నాయి. డిసెంబర్ 17న సర్పంచ్ స్థానాలకు ఎన్నికలు జరగనుండగా నామినేషన్ల పర్వం డిసెంబర్ 3 నుండి 5 వరకు కొనసాగనున్నాయి. సర్పంచ్ స్థానాలకు జరుగుతున్న ఎన్నికల్లో అధికార కాంగ్రెస్ ప్రతిపక్ష పార్టీలైన బిఆర్ఎస్ బిజెపి పార్టీలు గెలుపు కోసం పట్టు బిగిస్తున్నాయి. అభ్యర్థుల ఎంపికలో పోటీ తత్వం పెరగడంతో అధికార కాంగ్రెస్ ప్రతిపక్ష బీ ఆర్ ఎస్ పార్టీలో పోటీ అభ్యర్థులు నాకంటే నాకే ప్రతిపాదించాలని డిమాండ్ కొనసాగిస్తున్నారు. స్థానిక ఎన్నికలు అయినందున అభ్యర్థుల ఎంపికలో ఒకరు ఉత్సాహపడగ మిగతావారు నారాజ్ అవుతున్నట్లు తెలుస్తోంది. నారాజ్ నాయకులు అభ్యర్థి గెలుపు కోసం పకడ్బందీగా పనిచేస్తారా లేక క్రాస్ ఓటింగ్ కు పాల్పడతారా అనేది ఎన్నికలు అయ్యే వరకు వేచి చూడాలి.
