‘మ్యాడ్‌, మ్యాడ్‌ స్క్వేర్‌’ చిత్రాలతో కథానాయకుడిగా తనకంటూ ఓ ప్రత్యేక స్థానాన్ని సంపాందించుకున్న హీరో సంగీత్‌ శోభన్‌ తాజాగా ‘గ్యాంబ్లర్స్‌’ చిత్రంతో ప్రేక్షకుల ముందుకు రాబోతున్నారు.
ప్రశాంతి చారులింగా నాయికగా నటిస్తోంది. ‘శ్రీవల్లి’ చిత్ర నిర్మాతలు సునీత, రాజ్‌కుమార్‌ బందావనం ఈ సినిమాను రేష్మాస్‌ స్టూడియోస్‌, స్నాప్‌ అండ్‌ క్లాప్‌ ఎంటర్‌టైన్‌ మెంట్‌ పతాకంపై నిర్మిస్తున్నారు. కేఎస్‌కే చైతన్య దర్శకుడు. ప్రస్తుతం నిర్మాణానంతర పనులు తుదిదశకు చేరుకున్న ఈ చిత్రాన్ని జూన్‌ 6న ప్రపంచవ్యాప్తంగా థియేట్రికల్‌ రిలీజ్‌ చేస్తున్నారు. ఈ నేపథ్యంలో ఈ చిత్ర ఫస్టలుక్‌ను శుక్రవారం మేకర్స్‌ విడుదల చేశారు.
ఈ సందర్బంగా దర్శకుడు చైతన్య మాట్లాడుతూ, ‘ఇదొక మిస్టరీ ఎంటర్‌టైనర్‌. ఈ చిత్రంలో కొత్త సంగీత్‌ శోభన్‌ను చూడబోతున్నారు. ఆయన నటనలోని మరో కోణాన్ని ఆవిష్కరించే చిత్రమిది. చిత్రంలో ఉండే థ్రిల్లింగ్‌ అంశాలు, ట్విస్ట్‌లు ప్రేక్షకులను ఆశ్చర్యపరుస్తాయి. పూర్తి వైవిధ్యమైన కాన్సెప్ట్‌తో రూపొందుతున్న ఈ చిత్రంలో అన్ని వర్గాలను అలరించే అంశాలున్నాయి’ అని అన్నారు.
‘సంగీత్‌ శోభన్‌కు యూత్‌లో ఉన్న ఫాలోయింగ్‌ గురించి ప్రత్యేకంగా చెప్పాల్సిన అవసరం లేదు. ఆయన గత చిత్రాలకు పూర్తి భిన్నమైన పాత్రను ఆయన ఇందులో చేస్తున్నారు. కొత్తకాన్సెప్ట్‌తో పూర్తి థ్రిల్లింగ్‌ అంశాలతో రూపొందిన ఈ చిత్రం తప్పకుండా అందర్ని అలరిస్తుందనే నమ్మకం ఉంది’ అని నిర్మాతలు చెప్పారు.
సంగీత్‌ శోభన్‌, ప్రశాంతి చారులింగ, రాకింగ్‌ రాకేష్‌ పథ్వీరాజ్‌ బన్న, సాయి శ్వేత, జస్విక, భరణి శంకర్‌, మల్హోత్త్ర శివ, శివారెడ్డి, శ్రీకాంత్‌ అయ్యంగార్‌, మధుసూదన్‌ రావు, ఛత్రపతి శేఖర్‌, సూర్య భగవాన్‌ దాస్‌ తదితరులు నటిస్తున్న ఈ చిత్రానికి కథ – అదనపు స్క్రీన్‌ప్లే – సంభాషణలు: విజరు చిట్నీ, ఎగ్జిక్యూటివ్‌ ప్రొడ్యూసర్‌: విజరు ప్రకాష్‌, సంగీతం: శశాంక్‌ తిరుపతి, డైరెక్టర్‌ ఆఫ్‌ ఫోటోగ్రఫీ: ప్రేమ్‌ సాగర్‌, ప్రొడక్షన్‌ డిజైనర్‌: రాజీవ్‌ నాయర్‌, ఎడిటర్‌: శశాంక్‌ మాలి, యాక్షన్‌: వింగ్‌ చున్‌ అంజి, కొరియోగ్రఫీ: నిక్సన్‌ డి’క్రూజ్‌, సాహిత్యం: కిట్టు విస్సాప్రగడ.
థ్రిల్‌ చేసే ‘గ్యాంబ్లర్స్‌
- Advertisement -
- Advertisement -
Previous article![]( "‘గుర్తింపు’కోసం..")
Next article![]( "సరికొత్త కాన్సెప్ట్‌తో ‘థ్యాంక్యూ డియర్‌’")
RELATED ARTICLES
