పట్టణంలో ఘనంగా రాఖీ పౌర్ణమి వేడుకలు 

నవతెలంగాణ-ఆలేరు టౌన్ 
ఆలేరు పట్టణంలో శుక్రవారం రాఖీ పౌర్ణమి వేడుకలు అక్కా చెల్లెలు, అన్నా-తమ్ముళ్లకు పిల్లా పాపలతో కలిసి, రాఖీలు కట్టి, రాఖీ పౌర్ణమి వేడుకలు ఘనంగా నిర్వహించారు. మిఠాయిలు తినిపించారు. సోదర సమానులకు సైతం మహిళలు అక్కాచెల్లెళ్లు రాఖీలు కట్టి తమ అభిమానాన్ని చాటుకున్నారు. ఉదయం 7 గంటల నుండి వివిధ ప్రాంతాల నుండి ఆలేరు పట్టణానికి వచ్చి, హైదరాబాద్ తన సుదూర ప్రాంతాలకు వెళ్లి, అన్న తమ్ములకు, అక్కా చెల్లెలు రాఖీలు కట్టారు. పట్టణంలో ఐదు రూపాయలు మొదలుకొని 10, 15 ,20 , 25 ,30, 35, 45 ,50  నుండి 100, 200 ,300 ,400 వెండితో కూడినవి  500 నుండి 1000 రూపాయల వరకు అమ్ముడుపోయాయి. వివిధ ఆకృతులతో కూడినవి, బాక్స్ ఐటమ్స్  ,జరీ , దూది రాఖీ, ఫ్యాన్సీ, టోన్స్, పూసలు పూసల రాఖీలు, నెమలి ఈకల చిత్రాల రాఖీలు, నీలిరంగు రాఖీలు, గ్రీన్,పసుపు, ఎరుపు తో పాటు వివిధ రంగులలో వివిధ ఆకృతులతో కూడిన రాఖీలను విక్రయాలకు  పెట్టారు. ఆన్లైన్లో  రాఖీ ల విక్రయాలు జరగడంతో కొనేవాళ్లు లేక రాకి షాపులో అంతంత మాత్రమే విక్రయాలు జరిగాయని, ఆన్లైన్ లో రాఖీల కొనుగోలు కారణంగా, రిటైల్ విక్రయదారులకు ఈ సంవత్సరం వ్యాపారం సరిగా లేదని రిటైల్ విక్రయదారులు చెబుతున్నారు. రాఖీ పౌర్ణమి సందర్భంగా రాష్ట్ర ప్రభుత్వ  విపు, ఎమ్మెల్యే బీర్ల ఐలయ్య నియోజకవర్గ ప్రజలకు అక్కాచెల్లెళ్లకు రాఖీ పౌర్ణమి శుభాకాంక్షలు తెలియజేశారు. ప్రజలందరూ ఆయురారోగ్యాలతో సుఖసంతోషాలతో మెరుగైన జీవితం సిద్ధించాలని కోరారు.