కేవలం ప్రేమ కథే కాదు..

డైరెక్టర్ సందీప్ రెడ్డి వంగా సమర్పణలో భద్రకాళీ పిక్చర్స్ బ్యానర్ నిర్మిస్తున్న సినిమా ‘రోమాంచకం’. సుమంత్ ప్రభాస్, అనంతిక సనిల్ కుమార్ జంటగా నటిస్తున్న ఈ చిత్రాన్ని ప్రణయ్ రెడ్డి వంగా నిర్మిస్తున్నారు.
నూతన దర్శకుడు వేణుగోపాల్ రెడ్డి రూపొందిస్తున్నారు.
ఈ సినిమా ఈనెల 3న వరల్డ్ వైడ్ గ్రాండ్ థియేట్రికల్ రిలీజ్ కు రెడీ అవుతోంది. ఈ నేపథ్యంలో ఈ చిత్ర విశేషాలను సోమవారం హీరోయిన్ అనంతిక సనిల్ కుమార్ మీడియాతో షేర్‌ చేసుకున్నారు.
‘8 వసంతాలు’ సినిమా తర్వాత చాలా స్క్రిప్ట్స్ నా దగ్గరకు వచ్చాయి. ఎన్నో కథలు విన్నాను. అవి నన్ను ఎగ్జైట్ చేయలేదు. ఆ టైమ్ లో ఈ స్క్రిప్ట్ నా దగ్గరకు వచ్చింది. ఈ కథ విన్నాక చాలా హ్యాపీగా అనిపించింది. ఇలాంటి మూవీలో కదా నటించాలని కోరుకున్నాను అనే ఫీల్ కలిగింది. ఈ సినిమాలో నేను బబ్లీ గర్ల్, సరదాగా ఉండే అమ్మాయి క్యారెక్టర్ లో నటించాను. ఇలాంటి క్యారెక్టర్ లో నటించాలనేది నా డ్రీమ్ గా ఉండేది. యూత్ ఆడియెన్స్ బాగా రిలేట్ అయ్యే చిత్రమిది. ఇది కేవలం ప్రేమ కథ మాత్రమే కాదు ప్రేమతో పాటు హాస్యం ఉత్కంఠ కూడా ఉంటాయి.
నేను ఈ చిత్రంలో తమిళ అమ్మా యిగా కనిపిస్తా. ఈ తరంలో యువత జీవితాల్లో ఎలాంటివి జరుగుతున్నాయో అలాంటి కాంటెంపరరీ ఎలిమెంట్స్ మా సినిమాలో ఆకట్టుకునేలా తెరకెక్కించారు.
ఇది ప్రేమ కథా చిత్రమే. కానీ యూత్ తో పాటు ఫ్యామిలీ ఆడియెన్స్ కూడా సినిమా చూసి ఎంజాయ్ చేయొచ్చు.
సుమంత్ ప్రభాస్ క్యారెక్టర్ చాలా ఎనర్జిటిక్ గా ఉంటుంది. నా క్యారెక్టర్ కూడా ఆయనతో పోటీ పడేలా డిజైన్ చేశారు. మా రెండు పాత్రల మధ్య వచ్చే సంభాషణలు లైవ్ లీగా, నిజంగా ఒక జంట మధ్య జరుగుతున్నట్లు ఉంటుంది.