నవతెలంగాణ – మల్హర్ రావుఖరీఫ్ సీజన్ ప్రారంభమైన నేపధ్యంలో మండలంలో వ్యవసాయ అధికారులు నకిలీ విత్తనాలపై విస్తృతంగా అవగాహన కార్యక్రమాలు నిర్వహిస్తూన్నారు.ఈ నేపథ్యంలో బుధవారం ఆన్ సాన్ పల్లి, కొయ్యుర్, వళ్లెంకుంట గ్రామాల్లో రైతులు నకిలీ విత్తనాలపై అవగాహన కార్యక్రమాలు నిర్వహించారు. ఈ సందర్భంగా ఏఈఓలి మాట్లాడారు రైతులు నకిలీ కొని మోసపోవద్దని సూచించారు. వ్యవసాయ శాఖ ద్వారా గుర్తింపు పొందిన ఆదికృత డీలర్ల దగ్గర మాత్రమే విత్తనాలు కొనుగోలు చేయాలన్నారు. బిజి-3 పేరుతో చలామణి అవుతున్న హెచ్ టి పత్తి విత్తనాలకు జిఈఏసి అనుమతి లేనందున ఈ రకం విత్తనాలను కొనడం, అమ్మడం సాగు చేయడం నేరమన్నారు.నిర్ణీత ఫార్మాట్ లో ఉన్న బిల్లు (రసీదు) దుకాణదారుని అడ్రస్ పేరు సీడ్ లైసెన్స్ నంబరు జిఎస్టి నంబరు మొదలగునవి ఉన్న రసీదును మాత్రమే రసీదుగా అంగీకరించాలన్నారు.కొనుగోలు చేసిన దుకాణం నుంచి రసీదును తప్పనిసరిగా తీసుకోవాలని సూచించారు. రసీదు పై విత్తన కంపెనీ పేరు విత్తన రకంపేరు, లాట్ నెంబరు,గడువు తేదీ మరియు డీలర్ సంతకము తప్పనిసరిగా ఉండేలా చూసుకోవాలని,లూజుగా ఉన్న సంచులు,పగిలిన ప్యాకెట్లు డబ్బాల్లో ఉన్న విత్తనాలను,గడువు దాటిన విత్తనాలను ఎట్టి పరిస్థితులలో కొనుగోలు చేసి మోసపోవద్దని రైతులకు అవగాహనా కల్పించారు.
