ధర్మం వైపు బొద్దింకలు

రాజధానిలో బొద్దింకల వీరవిహారం
అన్నిదారులూ మూసినా
అన్ని ద్వారాల దగ్గర కాపేసినా
ఆగని న్యాయపోరాటం
అధర్మంపై అమానుషంపై
అలుపెరుగని అసహన ప్రకటన
బయట టేర్ వాయువులు
భాష్పవాయువులు నిర్భందించలేని
నిరోధించలేని యువశక్తి నడుం బిగించింది
​
దుర్మార్గపు రాజనీతి రాజ్యమేలుతోంది
లోన అధర్మేంద్రుడు హాయిగా
ఏసీ గదుల్లో రక్షణవలయంలో
సేదతీరుతున్న దృశ్యాలు
చుట్టూ దుష్టచతుష్టయాలు కూడా
సిగ్గుతో తలవంచుకునేంతటి
చిన్నపిల్లల మరణాలు బయట
వాళ్లంతా వైద్యులై వెలగాల్సినవారు
అవినీతి మంటల్లో మాడిమసైనారు
​
చట్టసభల్లో కండ్లున్న ధృతరాష్ట్రులు
చెవులున్నా వినపడని భీష్ములు
ధర్మాలు ప్రవచిస్తున్న కాలం
బిర్నాం అడవులు నడిచొచ్చి
మేక్బెత్ ను చుట్టుముట్టినట్టు
బొద్దింకల గుంపులు కోటచూట్టూ చేరి
ఈ పాలనకు చరమాంకపు గీతం
రచించి గానం చేస్తున్నారు వినండి
ఇకనైనా కండ్లు తెరచి మనసుతో కనండి
కాలగర్భంలో కలసిపోకముందే
చిన్నారులకు న్యాయవైద్యం అందించండి
జంధ్యాల రఘుబాబు,
9849753298