విలాసాగర్ సర్పంచ్ ను సన్మానిస్తున్న ఎమ్మెల్యే, జడ్పీ ఛైర్ పర్సన్

ఈనెల 31వ తేదీ తో సర్పంచ్ ల పదవీకాలం ముగియనుంది. గురువారం జమ్మికుంట మండల 20 మంది సర్పంచులకు హుజురాబాద్ ఎమ్మెల్యే పాడి కౌశిక్ రెడ్డి హుజరాబాద్ లో శాలువాతో, మెమెంటో తో ఘన సన్మానము నిర్వహించారు. ఈ సందర్భంగా ఆయన మాట్లాడారు. సర్పంచులందరికీ నేను అండగా ఉంటానని మీ సమస్యల కోసం ప్రభుత్వంతో పోరాడుతానని  తెలిపారు. అన్ని గ్రామాల సర్పంచులు ఈ ఐదు సంవత్సరాల కాలంలో ప్రజల కోసం ఎనలేని సేవలు చేశారని ఆయన కొనియాడారు. నేను ఎమ్మెల్యేగా గెలవడానికి ప్రతి సర్పంచ్ శ్రమ ఉందన్నారు. మీ శ్రమ నేను మరువలేనన్నారు. ఈ కార్యక్రమంలో జిల్లా పరిషత్ చైర్పర్సన్ కనుమల్ల విజయ, కేడీసీసీ జిల్లా ఉపాధ్యక్షులు పింగిలి రమేష్ ,జమ్మికుంట ఎంపీపీ మమత, మార్కెట్ కమిటీ మాజీ చైర్మన్ పోలేని సత్యనారాయణ రావు, వైస్ ఎంపీపీ పొల్సాని తిరుపతిరావు సర్పంచులు తదితరులు పాల్గొన్నారు.