జేవీఆర్ ప్రభుత్వ డిగ్రీ కళాశాలలో పోలీసు నమూనా పరీక్ష

నవతెలంగాణ – సత్తుపల్లి
వివిధ పోటీ పరీక్షలకు సన్నద్ధమవుతున్న విద్యార్థుల కోసం ‘సతీష్ అకాడమీ’ ఖమ్మం వారి ఆధ్వర్యంలో స్థానిక జేవీఆర్ ప్రభుత్వ డిగ్రీ కళాశాలలో సోమవారం పోలీసు నమూనా (మాక్) పరీక్షను నిర్వహించారు. ఈ పరీక్షకు కళాశాల నుంచి సుమారు 160 మంది విద్యార్థులు హాజరయ్యారు. ఈ నమూనా పరీక్షలో అత్యుత్తమ ప్రతిభ కనబరిచిన మొదటి 40 మంది విద్యార్థులకు కళాశాల ప్రాంగణంలోనే ఉచితంగా పోలీసు కోచింగ్ ఏర్పాటు చేయనున్నట్లు కళాశాల ప్రిన్సిపాల్ నండ్రు గోపి తెలిపారు. ఈ కార్యక్రమంలో కళాశాల వైస్ ప్రిన్సిపాల్ వై. మహేష్, కెరీర్ గైడెన్స్ సెల్ కన్వీనర్ డాక్టర్ ఎస్. బాబు, టీఎస్‌కేసీ కన్వీనర్ డాక్టర్ పద్మారాణి, సతీష్ అకాడమీ డైరెక్టర్ జి. సతీష్‌తో పాటు కళాశాల అధ్యాపకులు, విద్యార్థులు పెద్ద సంఖ్యలో పాల్గొన్నారు.