ప్రభుత్వ పాఠశాలల్లోనే నాణ్యమైన విద్యా: సర్పంచ్

నవతెలంగాణ మద్నూర్
ప్రభుత్వ పాఠశాలల్లోనే నాణ్యమైన విద్య బోధన అందుతుందని, ప్రజలు తమ తమ పిల్లలకు ప్రభుత్వ పాఠశాలల్లోనే చేర్పించాలని మేనూరు గ్రామ సర్పంచ్ అశోక్ పటేల్ అన్నారు. బుధవారం ఆయన ప్రభుత్వ పాఠశాలలో విద్యార్థిని విద్యార్థులకు పాఠ్యపుస్తకాలు పంపిణీ చేశారు. ఈ సందర్భంగా ఆయన మాట్లాడుతూ రాష్ట్ర ప్రభుత్వం విద్యాభివృద్ధి కోసం ఎంతో కృషి చేస్తుందని, ప్రభుత్వ పాఠశాలలో అన్ని ఉచితంగా అందించి పిల్లల చదువులకు ప్రత్యేకంగా కృషి చేస్తుందని తెలిపారు. ఈ కార్యక్రమంలో పాఠశాల ఉపాధ్యాయులు, గ్రామ కార్యదర్శి హరీష్ కుమార్, గ్రామ పెద్దలు, జూబ్లీ సురేష్, గ్రామస్తులు, విద్యార్థుల తల్లిదండ్రులు పాల్గొన్నారు.