కల్పితమైన ఆ కారడవిలో వాస్తవంగా అలజడి మొదలైంది
రుషిలా ముసి ముసి నవ్వే పులి నోటిలో వేడి వేడి లేడి నెత్తురుహొ
నిజం వాసన పసిగట్టని సగటు జంతువులు
అమాయకత్వాన్ని తలనిండా కప్పుకొని ఇంకా నిద్రపోతున్నట్టుంది!
మీట నొక్కే వేళ్ళు హక్కు ఎంత పెద్ద బాధ్యతో
ఆలోచించాల్సిన అవసరమొచ్చింది
గురి చూసి గుణపాఠం నేర్పాల్సిన సమయం వొచ్చింది
రంగుల ఎంపికలో ఈసారి కూడా పొరపాటు జరిగితే
అడవంతా అంధకారమయ్యే ప్రమాదముంది
నేతి బీరకాయ నీతులకు తలూపే బేల జంతువులకు వెనక్కి నడవడమే
దేశభక్తి అని జిత్తులమారి నక్కలు నూతన పాఠ్య ప్రణాళికను నూరిపోస్తున్నాయి
మన్నుతిన్న పాములు మెదళ్ళలో తిష్ట వేసినంతకాలం
అంకుశమే రాజదండ మవుతుంది
రక్తాన్ని ఏరులుగా పారించడమే పరాక్రమంలా కనబడుతుంది
చలి చీమల మధ్య చీలిక తెచ్చేందుకు
మాయదారి సర్పం కుయుక్తులను కళాత్మకంగా తెరకెక్కిస్తున్నది
మంటల్లో కాలబెట్టాల్సినహొవాదాన్ని మళ్లీ వేదిక నెక్కించాలని
పీఠం చాటున పొంచివున్న పులి అంకెలతో అంచనాలు వేస్తున్నది
గింజల కోసం తలవంచిన పక్షులు గుంపు
రాజకీయ వలలో చిక్కినహొవిషయం ఎప్పుడు గుర్తిస్తాయో తెలవదు
ఎరుకగల్ల ఎలుకలు ఇంకా కలుగులోనే దాక్కుంటే కుదరదు!
ప్రకటన వచ్చేసింది పారాహుషార్‌
మళ్లీ వేటగాడు వచ్చేలోపే వలను కొరికి పారేయకపోతే
వెలుతురు కంట్లో వేళ్ళు పొడిచే కసాయిదే రాజ్యమవుతుంది
– రహీమొద్దీన్‌, 9010851085
