వైవిధ్యమైన ప్రేమకథ

దేవన్‌ హీరోగా స్వీయ దర్శకత్వంలో రూపొందుతున్న సూపర్‌ నేచురల్‌ లవ్‌ స్టోరీ ‘కష్ణ లీల’. ‘తిరిగొచ్చిన కాలం’ అనేది ట్యాగ్‌ లైన్‌. ధన్య బాల కష్ణన్‌ హీరోయిన్‌గా నటిస్తోంది. బేబీ వైష్ణవి సమర్పణలో మహాసేన్‌ విజువల్స్‌ బ్యానర్‌ పై జ్యోత్స్న జి ఈ చిత్రాన్ని నిర్మిస్తున్నారు. ఈ చిత్రానికి కథ, మాటలను అనిల్‌ కిరణ్‌ కుమార్‌ జి అందించారు. ఈ సినిమా టైటిల్‌ మోషన్‌ పోస్టర్‌కి అద్భుతమైన స్పందన వచ్చింది. తాజాగా డైరెక్టర్‌ వివి వినాయక్‌ ఈ సినిమా టీజర్‌ని లాంచ్‌ చేశారు. ‘ప్రేమించడం, ప్రేమించబడడం.. రెండు కర్మలే. ఈ ప్రేమని అనైతికంగా అనుభవించాలనుకున్నా, అవాయిడ్‌ చేయాలనుకున్నా, అది మరింత కాంప్లికెటెడ్‌ అయి, ఎన్ని జన్మలైనా నీకు సరైన పాఠం నేర్పే వరకు వదలదు’ అనే పవర్‌ ఫుల్‌ వాయిస్‌తో మొదలైన టీజర్‌ ఆద్యంతం ఆకట్టుకుంది. టీజర్‌లో దేవన్‌ క్యారెక్టర్‌ వేరియేషన్స్‌, డిఫరెంట్‌ టైం లైన్స్‌, మిస్టీరియస్‌ కథనం.. సినిమాపై చాలా క్యురియాసిటీని పెంచాయి. నెవర్‌ బిఫోర్‌ లవ్‌స్టోరీతో ఈ సినిమా ప్రేక్షకులు ముందుకు తీసుకొస్తున్నారని టీజర్‌ చూస్తే అర్థమవుతోంది. దర్శకుడిగా దేవన్‌ సరికొత్త పంథాలో ఈ ప్రేమ కథని ప్రెజెంట్‌ చేస్తున్నారని టీజర్‌ ప్రామిస్‌ చేస్తోంది. ధన్య బాలకష్ణన్‌తో పాటు వినోద్‌ కుమార్‌, యానిమల్‌ పధ్వి, రవి కాలే కీలక పాత్రల్లో కనిపించారు. భీమ్స్‌ సిసిరోలియా బీజీఎం, సతీష్‌ ముత్యాల కెమెరా వర్క్‌ టీజర్‌ని నెక్స్ట్‌ లెవెల్‌కి తీసుకెళ్ళింది. ప్రొడక్షన్‌ వాల్యూస్‌ రిచ్‌గా ఉన్నాయి. మొత్తానికి సినిమాపై ఈ టీజర్‌ మంచి బజ్‌ని క్రియేట్‌ చేసింది అని చిత్ర యూనిట్‌ తెలిపింది.