నవతెలంగాణ – భీంగల్
బాల్కొండ నియోజకవర్గ కాంగ్రెస్ పార్టీ ఇంచార్జ్ ముత్యాల సునీల్ రెడ్డి మాట్లాడుతూ… కాంగ్రెస్ ప్రభుత్వం అమలు చేస్తున్న సంక్షేమ పథకాలకు ఆకర్షితులై బిఆర్ఎస్, బీజేపీ గ్రామ నాయకులు, కార్యకర్తలు పెద్ద ఎత్తున కాంగ్రెస్ పార్టీలో చేరుతున్నారని తెలిపారు. ఆదివారం ప్రజా నిలయంలో సునీల్ రెడ్డి సమీక్షంలో పర్స సుధాకర్, మారి పెద్ది లింగం ఆద్వర్యంలో బీఆర్ఎస్,బిజెపి, ఇతర పార్టీలనుండి దాదాపు 200 మంది కార్యకర్తలు కాంగ్రెస్ పార్టీలో చేరడం జరిగింది. తెలంగాణ రాష్ట్రంలో ముఖ్యమంత్రి రేవంత్ రెడ్డి నాయకత్వంలో ప్రజా పాలన నడుస్తుందని ప్రజా పాలనలో భాగస్వామ్యం కావడానికి కాంగ్రెస్ పార్టీలో చేరిన వారందరికీ హృదయపూర్వకంగా ఆహ్వానం పలుకుతున్నట్లు ఆయన తెలిపారు. అనంతరం సునీల్ రెడ్డి మాట్లాడుతూ… భీంగల్ పట్టణ అభివృద్ధికి కాంగ్రెస్ ప్రభుత్వం కట్టుబడి ఉంది. ఇప్పటికే వివిధ అభివృద్ధి పనులకు 54 కోట్ల రూపాయలు ప్రభుత్వం మంజూరు చేసిందని అన్నారు.
భీంగల్ అభివృద్ధి బాధ్యతను నేనే తీసుకుంటానని బాల్కొండ నియోజకవర్గ కాంగ్రెస్ పార్టీ ఇంచార్జ్ ముత్యాల సునీల్ కుమార్ తెలిపారు. భీంగల్ పట్టణ కేంద్రాన్ని అభివృద్ధి పదం వైపు నడిపి సుందరీకరణ చేసే బాధ్యత కాంగ్రెస్ ప్రభుత్వం తీసుకుందని బాల్కొండ నియోజకవర్గ కాంగ్రెస్ పార్టీ ఇంచార్జ్ ముత్యాల సునీల్ కుమార్ తెలిపారు. గత బిఆర్ఎస్ ప్రభుత్వ పది సంవత్సరాల పరిపాలనలో భీంగల్ మున్సిపాలిటీ అభివృద్ధికి నోచుకోక అన్యాయానికి గురైందని కాంగ్రెస్ ప్రభుత్వంలో ఆ లోటును పూడుస్తామని ఆయన అన్నారు. ఇప్పటికే వివిధ గ్రాంట్ ల ద్వారా రూ.54 కోట్ల భీంగల్ అభివృద్ధి కొరకు ప్రభుత్వం మంజూరు చేసిందని అన్నారు. మున్సి పాలిటి అభివృద్ధికి నిరంతరం కృషి చేస్తామని ఈ సందర్భంగా ఆయన తెలిపారు. ఈ కార్యక్రమంలో భీంగల్ పట్టణ కాంగ్రెస్ పార్టీ అధ్యక్షులు జేజే నర్సయ్య, మల్లెల లక్ష్మణ్, మాజీ ఎంపీపీ కన్నె సురేందర్, నల్లూరి శ్రీనివాస్, సతీష్,దినేష, కాంగ్రెస్ పార్టీ నాయకులు కార్యకర్తలు తదితరులు పాల్గొన్నారు.
