నవతెలంగాణ – భువనగిరి కలెక్టరేట్
గ్రామపంచాయతీ ఎన్నికలలో భాగంగా రెండవ విడత ఎన్నికల నామినేషన్ల స్వీకరణ ప్రక్రియ పారదర్శకంగా నిర్వహించాలని జిల్లా కలెక్టర్ హనుమంతరావు అన్నారు. ఆదివారం గ్రామపంచాయతీ ఎన్నికల ఫేస్ -II నామినేషన్ల స్వీకరణ లో బాగంగా భువనగిరి మండలం చందుపట్ల క్లస్టర్, బండ సోమారం క్లస్టర్ , వలిగొండ మండలం లోని పులిగిల్ల క్లస్టర్, పరిధిలో నామినేషన్ల స్వీకరణ ప్రక్రియను జిల్లా కలెక్టర్ పరిశీలించారు. ఈ సందర్భంగా జిల్లా కలెక్టర్ మాట్లాడుతూ గ్రామ సర్పంచులు, వార్డుల వారీగా వివరాలు క్లుప్తంగా పరిశీలించి నామినేషన్ పత్రాలు తీసుకోవాలన్నారు.
నామినేషన్ దాఖలు ప్రక్రియ, హెల్ప్ డెస్క్,సిబ్బంది హాజరు, అభ్యర్థులకు కల్పిస్తున్న సేవలు, భద్రత ఏర్పాట్లను పరిశీలించారు. ప్రతి కేంద్రంలో క్రమశిక్షణ, నిబంధనలు కచ్చితంగా పాటించాలని, రిజర్వేషన్లను కల్పించిన వారికి కుల ధ్రువీకరణ పత్రాల పరిశీలన ,అభ్యర్థులు కరెంట్ బ్యాంకు ఖాతా సమర్పించాల్సి ఉంటుందని, చెక్ లిస్టులను నామినేషన్ వివరాలను అడిగి తెలుసుకున్నారు. 100 మీటర్ల దూరం వరకు ఎవ్వరు కూడా గుంపులుగా ఉండకూడదన్నారు. పోలీస్ అధికారులు ప్రత్యేక నిఘా పెట్టి నామినేషన్ల స్వీకరణ సజావుగా జరిగేలా చూడాలన్నారు. అధికారులందరూ కూడా ఎన్నికల నియమాలు పాటిస్తూ ఎలాంటి పొరపాట్లకు తావు లేకుండా విధులు నిర్వహించాలన్నారు. ఈ కార్యక్రమంలో సంబంధిత అధికారులు పాల్గొన్నారు.
