తెలంగాణ డప్పు దరువుకు ఎన్ఐసి గుజరాత్ అదుర్స్
నవతెలంగాణ – డిచ్ పల్లి
ఈనెల 22 నుండి 28వ వరకు గుజరాత్ రాష్ట్రంలోని సర్దార్ వల్లభాయ్ పటేల్ యూనివర్సిటీ లో నిర్వహించిన జాతీయస్థాయి ఏకీకరణ సదస్సు విజయవంతంగా నిర్వహించారు. ఇందులో భాగంగా తెలంగాణతో పాటుగా దేశ నలుమూలల నుండి 10 రాష్ట్రాల ఎన్ఎస్ఎస్ వాలంటీర్లు మరియు గుజరాత్ రాష్ట్రం నుండి 10 ప్రత్యేక టీమ్స్ పాల్గొన్నాయి. ఈ వారం రోజుల వ్యవధిలో ఒక్కొక్క రోజు ఒక్కొక్క ప్రత్యేక కార్యక్రమం జాతీయతను ప్రతిబింబించేలా నిర్వహించారు. ఇందులో మొదటగా రాష్ట్రాల వారీగా వారి యొక్క ప్రత్యేక కళలు సంస్కృతి నీ ప్రతిబింబించేలా ప్రదర్శన లు నిర్వహించినారు, రెండవ రోజు రంగోలి మరియు పోస్టర్ ప్రజెంటేషన్ విద్యార్థులు చేత నిర్వహించారు.
మూడవరోజు స్వదేశీ క్రీడలు ఆడి ఇతర రాష్ట్రాల వారికి పరిచయం చేశారు. నాలుగవ రోజు దేశీయ నాటక ప్రదర్శన, ఐదవ రోజు సర్దార్ పటేల్ యొక్క 150వ యూనిటీ డే మార్చిని, శాస్త్రి మైదానంలో నిర్వహించడం జరిగింది. అక్కడినుండి దాదాపు 3 నుండి 4 కిలోమీటర్ల పాదయాత్రను విద్యార్థులు చురుగ్గా పాల్గొని విజయవంతంగా పూర్తి చేశారు. ఆరవ రోజున క్షేత్ర పర్యటనలో భాగం గా ప్రపంచంలోనే ఎత్తైన స్టాచు ఆఫ్ యూనిటీ సర్దార్ వల్లభాయ్ పటేల్ విగ్రహాన్ని సందర్శించి పర్యాటక ప్రదేశంగా నర్మదా నది తీరాన్ని సందర్శించారు.
అందులో దాదాపు 200 మంది వాలంటీర్లు పిఓలు మరియు ఆర్గనైజర్స్ అందరు కూడా స్టాచ్యూ ఆఫ్ యూనిటీ యొక్క ప్రాధాన్యతను తెలుసుకున్నారు.రెండవ చివరి రోజు అయిన ఏడవ రోజు క్విజ్ కాంపిటేషన్ వల్లభాయ్ పటేల్ జీవిత చరిత్ర మరియు ఆయన విజయాలపైన క్విజ్ కాంపిటీషన్ నిర్వహించారు. ఆ తర్వాత వివిధ రాష్ట్రాల నుంచి వచ్చిన ఎన్ఎస్ఎస్ వాలంటీర్లకు ధ్రువీకరణ పత్రాలు ప్రదానం చేశారు. అదేవిధంగా ఈ కార్యక్రమంలో తెలంగాణ వాలంటీర్లు ప్రదర్శించినటువంటి సాంప్రదాయ డప్పు దరువు బతుకమ్మ, బోనాలు మరి ప్రత్యేకంగా పోతరాజు నృత్య ప్రదర్శనలను వివిధ నాలుగు రాష్ట్రాల నుండి వచ్చినటువంటి ఎన్ఎస్ఎస్ కోఆర్డినేటర్స్ రీజినల్ కోఆర్డినేటర్స్ తెలంగాణ విద్యార్థి విద్యార్థులను చూసి వారు ప్రదర్శించినటువంటి ఆ కళా ప్రతిభను అభినందించి, తెలంగాణ సంస్కృతి సాంప్రదాయాలు కలలపట్ల ఆనందం వ్యక్తం చేశారు. తెలంగాణ రీజినల్ డైరెక్టర్ ఏం రామకృష్ణ ఈ సభకు హాజరై తెలంగాణ విద్యార్థులను ప్రోగ్రాం పిఓ ను అభినందించారు.
ప్రదర్శించినటువంటి కళ సంస్కృతిక ప్రదర్శనలు రంగోలి పోస్టర్ ప్రజెంటేషన్ సాంప్రదాయ క్రీడల విన్యాసాలు, ర్యాలీ ఇతర నాయకత్వ టీం స్పిరిట్ అంశాలను ఎన్ఐసి కోఆర్డినేటర్ డాక్టర్ జాగృతి సురేరా ఇతర సిబ్బంది విద్యార్థులను అభినందించి సర్టిఫికెట్ను అందజేశారు. ఈ విధంగా తెలంగాణ రాష్ట్ర కళల్ని నృత్యాలని సంప్రదాయాలని సాంప్రదాయ క్రీడల్ని దేశవ్యాప్తంగా నలుమూలల వ్యాపించేటట్టుగా తమ నృత్య ప్రదర్శనలు తమ ప్రతిభలన్నీ కనబరిచినటువంటి తెలంగాణ టీం వాలంటీర్స్ కు యావత్ ఎన్ఐసి టీం మరియు సర్దార్ వల్లభాయ్ పటేల్ యూనివర్సిటి వైస్ ఛాన్సలర్ డాక్టర్ ప్రొఫెసర్ పి.నిరంజన్ పటేల్ తెలంగాణ విద్యార్థులను ఎంతగానో మెచ్చుకొని వారిని ప్రత్యేకంగా అభినందించారు. ఇందులో భాగంగా తెలంగాణ రాష్ట్రం నుండి పిఓ కంటిన్యూజెంట్ లీడర్ గా డాక్టర్ ఎల్. తిరుపతి, ఎన్ఎస్ఎస్ స్వచ్ఛంద సేవకులు నాయుడు అశోక్ కుమార్ , పి. సాయికుందన్, కె. సౌపర్ణిక, ఎ. రాహుల్, డి. సరస్వతి, డి. మహేశ్వరి, కె. గణేష్, ఎం. గణేష్, సి. శ్రీవెన్నెల, ఎం. పూజిత ఒక జట్టుగా పాల్గొన్నారు.
