నవతెలంగాణ – (వేల్పూర్ )ఆర్మూర్
మండలంలోని మోతే గ్రామంలో బుధవారం సీఎం కప్ నియోజకవర్గం స్థాయి క్రీడా పోటీలను సీఎం కప్ నియోజకవర్గ కన్వీనర్, మండల విద్యాధికారి శ్రీమతి టీ. రేణుక గురువారం ప్రారంభించారు. నియోజకవర్గ సీఎం కప్ క్రీడాజ్యోతి ప్రజ్వలనను సభాధ్యక్షులు సర్పంచ్ గొల్ల రమేష్ రెడ్డి, స్థానిక ఎంపీడీవో బాలకిషన్, బాల్కొండ ఎంపీడీవో విజయభాస్కర్ రెడ్డి, ఎంఈఓ టి. రేణుక అతిథుల క్రీడాకారుల విద్యార్థుల కరతాల ధ్వనుల మధ్య, మోతే ప్రాథమిక ,ఉన్నత పాఠశాలల విద్యార్థినిలు తమ నృత్యంతో అలరించారు. మార్చ్ ఫాస్ట్ విజేతగా ఆతిథ్య జట్టైనా జడ్పీహెచ్ఎస్ మోతే పాఠశాల నిలిచింది. రన్నర్స్ గా యుపిఎస్ శ్వేతాసన పాఠశాల విద్యార్థులు నిలిచారు.
ఈ కార్యక్రమంలో ఉద్దేశించి ముఖ్య అతిధులు మాట్లాడుతూ గెలుపు ,ఓటములు సహజం కాబట్టి క్రీడాస్పూర్తితో ఆడాలని క్రీడాకారులకు సూచించారు. కన్వీనర్ టి. రేణుక మాట్లాడుతూ క్రీడాకారులుగా ఎదగడానికి సీఎం కప్ దోహదపడుతుందని అన్నారు. మోతే గ్రామము క్రీడాకారులను ప్రోత్సహించడంలో ముందుంటుందని అందుకే ఈ క్రీడల్ని మోతే గ్రామంలో నిర్వహిస్తున్నామని అన్నారు. కార్యక్రమ వ్యాఖ్యాత పి ఆర్ టి యు ప్రధాన కార్యదర్శి సి వి నరసింహారావు మాట్లాడుతూ మోతే నేలలోనే పోరాట పటిమ దాగి ఉందని, తెలంగాణ రాష్ట్ర సాధనలో రాష్ట్ర ప్రజల్ని ఏకం చేయడంలో మోతే మట్టి యొక్క పాత్ర చాలా కీలకమైందని అన్నారు.
కాబట్టి ఈ నేల పై క్రీడల్ని ఆడుతున్న క్రీడాకారులు కూడా ఉన్నతముగా రాణిస్తారని అందుకు నిదర్శనం మోతే గ్రామంలో చాలామంది రాష్ట్ర ,జాతీయస్థాయి క్రీడాకారులు ఉన్నారని అన్నారు. సీఎం కప్ నిర్వహణకు ఇతోదికముగా సహాయం అందించిన మోతే గ్రామ VDC కి ధన్యవాదాలు తెలియజేశారు. తధానంతరం ఎంఈఓ టీ. రేణుకను, ఎంపీడీవోలు బాలకిషన్, విజయభాస్కర్ రెడ్డి లను సర్పంచ్ ,ఉప సర్పంచ్ లు, ఘనంగా సన్మానించారు.
ఈ కార్యక్రమంలో పాఠశాల ప్రధానోపాధ్యాయులు వైద్య గణేష్, పిఎస్ హెచ్ఎం లక్ష్మీనారాయణ, రాఘవేంద్ర బి.ఎడ్ కాలేజ్ కారస్పాండెంట్ శ్రీకాంత్, ఫిజికల్ డైరెక్టర్లు మంచిర్యాల సురేష్, రాజేందర్, రాజ్ కుమార్, నాగభూషణం ఉపాధ్యాయులు మంచే గణేష్, మహేందర్, రత్నయ్య, వెంకట నరసయ్య, శ్రావణ శ్రీ, కవిత, నవనీత, బాల్కొండ నియోజకవర్గం లోని వివిధ పాఠశాలల పీడీలు, ఉపాధ్యాయులు, క్రీడాకారులు, విద్యార్థులు పాల్గొన్నారు.
