విభిన్న ప్రేమకథ

ఇప్పటివరకు వచ్చిన ప్రేమకథా చిత్రాలకు భిన్నంగా సోషియో ఫాంటసీ ప్రేమకథతో ‘దీర్ఘాయుష్మాన్‌ భవ’ చిత్రాన్ని తెరకెక్కించారు. కార్తీక్‌రాజు, మిస్తి చక్రవర్తి జంటగా ఎం.పూర్ణానంద్‌ దర్శకత్వం వహించారు. త్రిపుర క్రియేషన్స్‌ పతాకంపై వంకా యలపాటి మురళీకష్ణ నిర్మించారు. సెన్సార్‌ పూర్తి చేసుకున్న ఈ చిత్రాన్ని జూలై 11న విడుదల చేస్తున్నట్లు నిర్మాత వంకాయలపాటి మురళీకష్ణ తెలిపారు. ‘చక్కటి ఫ్యామిలీ కథాశంతో రెండున్నర గంటలపాటు ప్రేక్షకులను అలరింపజేసే వినోదంతో ఈ చిత్రాన్ని తెరకెక్కించాం. సోషియో ఫాంటసీ కావడంతో గ్రాఫిక్స్‌కు ప్రాధాన్యం ఇచ్చాం. ఏ పాటకు ఆ పాట ఆహ్లాదభరితంగా ఉంటుంది. యూత్‌తో పాటు అన్ని వర్గాల ప్రేక్షకులను ఆకట్టుకునేలా సినిమాని రూపొందించాం’ అని దర్శకుడు ఎం.పూర్ణానంద్‌ చెప్పారు.