నాయకత్వంలో గొప్ప గురువు

“మాతృత్వం పింకీ ప్రామిస్‌కు కేవలం స్ఫూర్తినివ్వడమే కాదు, నేను ప్రతిరోజూ దాన్ని నిర్మించే విధానాన్ని ఇది ప్రాథమికంగా తీర్చిదిద్దింది. గర్భధారణ సమయంలో నేను ఎదుర్కొన్న సమస్యలు పరిష్కరించడానికి చాలా కాలం పట్టింది. దానివల్ల మహిళల పునరుత్పత్తి ఆరోగ్యానికి ఎంత తక్కువ శ్రద్ధ ఉందో స్పష్టమైంది. ఆ సమయంలోనే నేను కంపెనీని ప్రారంభించాను. నా కూతురు కూడా ఇలాంటి సంరక్షణ లోపాలను ఎదుర్కోవలసిన అవసరం లేదని నాకు తెలుసు. నాయకత్వంలో మాతృత్వమే నాకు గొప్ప గురువు. అది నాకు స్వచ్ఛమైన రూపంలో సహనాన్ని నేర్పింది. పిల్లలు మనం అనుకున్న దానికి అనుగుణంగా పెరగరు, అయినా మనం ఆ ప్రక్రియను నమ్మడం నేర్చుకుంటాం. నిలకడ, శ్రద్ధలే వారి ఎదుగుదలకు రూపమిస్తాయని విశ్వసిస్తాం. ఒక కంపెనీని నిర్మించడం కూడా దీనికి భిన్నం కాదు. బృందాలు ఎదగడానికి నమ్మకం, సమయం, స్వేచ్ఛ అవసరం. ఇది నన్ను ఒక నాయకురాలిగా మరింత సున్నితంగా, మానవతా దృక్పథంతో ఉండేలా చేసింది. లోతైన నమ్మకాన్ని, మరింత ప్రామాణికమైన సంస్కృతిని నిర్మించింది. అన్నింటికంటే ముఖ్యంగా ఇది నన్ను దృఢంగా మార్చింది” అంటారు ఆమె.
-దివ్య బాలాజీ కామెర్కర్, మహిళల ఆరోగ్యానికి అంకితమైన AI/ML-ఆధారిత క్లినిక్ పింకీ ప్రామిస్ CEO & సహ-వ్యవస్థాపకురాలు.