ఆకు కూరలు తింటే ఆరోగ్యానికి ఎంతో మేలని అటు పెద్దలు.. ఇటు డాక్టర్లు చెబుతూనే ఉంటారు. అయినా చాలా మంది వాటిని అస్సలు పట్టించుకోరు. నిజానికి చికెన్‌, మటన్‌ కన్నా ఆకు కూరలు ఆరోగ్యానికి ఎంతో మేలని పెద్దలు చెబుతూనే ఉంటారు. అయినా చాలా మంది వాటిని పట్టించుకోరు. వారానికి మూడు నాలుగు సార్లయినా మన డైట్‌లో ఆకూ కూరలు యాడ్‌ చేసుకుంటే చాలా మంచిది. నిజానికి చికెన్‌, మటన్‌ కన్నా ఆకు కూరలు తింటే ఎంతో బలం. ఆకుకూరల్లో ఎన్నో రకాలు ఉన్నాయి. అందులో ఒకటి ఎర్రతోట కూర. చాలా మందికి ఈ తోట కూర గురించి తెలీదు. ఇందులో పోషక విలువలు చాలా ఎక్కువ. ఎర్రతోట కూర ఎన్నో సమస్యలకు చెక్‌ పెడుతుంది. మరి ఈ ఎర్రతోట కూరతో ఉండే బెనిఫిట్స్‌ ఏంటో తెలుసుకుందామా.
– ఎర్రతోట కూరలో విటమిన్‌ ఏ, విటమిన్‌ సీ, విటమిన్‌ ఈ, విటమిన్‌ బీ, కాల్షియం, పొటాషియం, మెగ్నీషియం, యాంటీ ఆక్సిడెంట్స్‌, ఫైబర్‌, ప్రోటీన్‌ ఇలా ఎన్నో పోషకాలు పుష్కలంగా దొరుకుతాయి.
– రక్తం తక్కువగా ఉన్న వారు దీన్ని తీసుకుంటే ఎర్ర రక్త కణాలు ఉత్పత్తి అయ్యేలా చేస్తుంది.
– అధిక రక్తపోటుతో బాధపడే వారు ఎర్ర తోటకూర తింటే మంచిది. ఇది రక్తపోటు స్థాయిలను అదుపు చేస్తుంది.
– ఎర్ర తోటకూర తినడం వల్ల ప్రేగులు ఆరోగ్యంగా ఉంటాయి.
– ముఖ్యంగా ఎర్రతోట కూరను తరుచూ తీసుకుంటే కొలెస్ట్రాల్‌ అదుపులో ఉంటుంది.
– ఎర్రతోట కూర ఊబకాయానికి ఉత్తమ నివారణ. స్థూలకాయాన్ని తగ్గించడంలో ముఖ్య పాత్ర పోషిస్తుంది.
– దీనిలో ఉండే కాల్షియం ఎముకలు, దంతాలు దృఢంగా మారేలా చేస్తాయి.
– సీజనల్‌గా వచ్చే వైరల్‌ ఇన్‌ ఫెక్షన్లతో ఎర్రతోట కూర పోరాడుతుంది.
– అలాగే గొంతు క్యాన్సర్‌ రాకుండా ఎర్రతోట కూర సహాయం చేస్తుంది.
