ఉచిత కుట్టు మిషన్ కార్యక్రమం ప్రారంభం

నవతెలంగాణ – భిక్కనూర్
మండలంలోని పెద్ద మల్లారెడ్డి గ్రామంలో మహిళలకు స్వయం ఉపాధి కల్పించేందుకు ఉచిత కుట్టు మిషన్ కార్యక్రమాన్ని ప్రారంభించారు. అక్షయ రూరల్ డెవలప్మెంట్ ఆర్గనైజేషన్ ఆధ్వర్యంలో నిర్వహించిన కార్యక్రమాన్ని సర్పంచ్ కోడూరి సాయ గౌడ్ ప్రారంభించారు. ఈ సందర్భంగా సాయ గౌడ్ మాట్లాడుతూ.. మహిళలు ఈ అవకాశాన్ని సద్వినియోగం చేసుకుని ఆర్థికంగా ఎదగాలని సూచించారు. మహిళలకు స్వయం ఉపాధి కల్పించడంలో ఇటువంటి కార్యక్రమాలు ఎంతో ఉపయోగపడతాయని తెలిపారు. ఈ కార్యక్రమంలో ఉప సర్పంచ్ చైతన్య కొండల్ రెడ్డి, వార్డు సభ్యులు, గ్రామ పెద్దలు బాగా రెడ్డి, వెంకటేశ్వర రెడ్డి, ఇస్తారి, పిల్లి సంతోష్, ఆర్గనైజింగ్ డైరెక్టర్ రజిత రెడ్డితో పాటు మహిళలు పెద్ద ఎత్తున పాల్గొన్నారు.