నువ్వూ గెలిచావనుకో…

మెడలో
విరి మాలలు
భూజాల చుట్టూ శాలువాలు
ఆహా ఓహో అద్బుతం బాజా భజంత్రీలు
నీ పుట్టుక మొదలు
నీ కులం మతం వర్గం లింగం
నువ్వు చదివిన బడి
నువ్వు తిరిగిన వీథీ ఊరూ
నీ ఆహార్యం అభిరుచులూ
అలవాట్లూ అభిప్రాయాలూ
అన్నీ…. అన్నీ…
చర్చనీయాంశాలే
నువ్వూ…
నీ దేవుణ్ణి తలుచుకున్నా
మైమరచి నత్యం చేసినా
ఆఖరికి నీ కాలుపై కాలేసుకున్నా
ఇలా అన్నీ
విడ్డూరాలే వివాదాలే
జాతికి చర్చనీయాంసాలే
—
అదే…
నువ్వు ఓడిపోయావనుకో…
నీ పేరూ…
నీ ఉనికీ…
అన్నీ అన్నీ మటుమాయం.
నీ ప్రతిభ
నీ శ్రమ, పరిశ్రమ
నీ అభ్యాసం, త్యాగం
నీలో ఉన్న ప్రత్యేకతలూ
అన్నీ… అన్నీ…
శూన్యం..!
నువ్వూ
కన్నీళ్ళు కార్చినా
నిస్సత్తువతో కూలబడినా
ఆత్మన్యూనతల దావాగ్ని బూడిదైనా
అన్నీ… అన్నీ
అనామకమే అందరికీ
—
విజయం
ఆడంబరమైన ఉత్సవం
ఓటమి ఓ ఏకాంత శవయాత్ర…!
గెలుపునే కాదు
ఓటమినీ ఆస్వాదించు
అప్పుడప్పుడైనా సుమా!
ఎందుకంటే
గెలుపు నిన్ను ప్రపంచానికి పరిచయం చేయొచ్చేమో…
కానీ తెలుసా..!
నిన్ను నీకే పరిచయం
చేసేది ఓటమి మాత్రమే..!
– ధాత్రి