నవతెలంగాణ కామారెడ్డి: జిల్లా బిచ్కుంద మండలం గుండె నెమ్లి గ్రామంలో దారుణ ఘటన చోటుచేసుకుంది. కుటుంబ తగాదాల కారణంగా మామ, అల్లుడు మధ్య జరిగిన తీవ్ర ఘర్షణలో ఇద్దరూ అక్కడిక్కడే మృతిచెందారు. వివరాల్లోకి వెళ్లితే.. శాంతపూర్ గ్రామానికి చెందిన సంతుకు గుండె నెమ్లి గ్రామానికి చెందిన అరుణతో కొన్నేండ్ల కిందట పెండ్లి జరిగింది. భార్యాభర్తల మధ్య మొదలైన గొడవ కాస్త మామ అల్లుళ్ల మధ్య ఘర్షణగా మారింది. పుట్టింటి వద్దే ఉంటున్న అరుణను భర్త కర్రతో కొట్టాడు. అయితే తన కూతురిని ఎందుకు కొడుతున్నావని అడిగిన మామ రాంబోయిపైనా అల్లుడు దాడిచే శాడు. దీంతో ఆగ్రహంతో ఊగిపోయిన రాంబొయి కుటుంబీకులు సంతును విచక్షణారహితంగా కొట్టారు. ఈ ఘటనలో తీవ్రంగా గాయపడిన మామ, అల్లుడు చనిపోయారు. పోలీసులు కేసు నమోదు చేసి దర్యాప్తు చేస్తున్నారు.
