రష్యా అధ్యక్షుడు వ్లాదిమిర్‌ పుతిన్‌ సోమవారం ఉక్రెయిన్‌ సరిహద్దులో ఉన్న సదరన్‌ మిలిటరీ డిస్ట్రిక్ట్‌లో వ్యూహాత్మక అణ్వాయుధాల వినియోగంలో స్నాప్‌ ఎక్సర్‌సైజ్‌ను ఆదేశించారు. ఈ డ్రిల్‌ ఉక్రెయిన్‌ సంఘర్షణను మరింత పెంచవద్దని అమెరికా, దాని మిత్రదేశాలకు ఒక హెచ్చరికగా ఉద్దేశించబడిందని మాస్కోలోని విదేశాంగ, రక్షణ మంత్రిత్వ శాఖలు వేర్వేరు బహిరంగ ప్రకటనల్లో నొక్కిచెప్పాయి. రష్యా అనేక సందర్భాల్లో అణు బెదిరింపులకు పాల్పడుతోందని పశ్చిమ దేశాలు ఆరోపించినప్పటికీ, మాస్కో అణు సిద్ధాంతం మారలేదని క్రెమ్లిన్‌ పదేపదే పేర్కొంది.”రష్యా సమగ్రత, సార్వభౌమత్వాన్ని నిర్ధారించడానికి, వ్యూహాత్మక అణ్వాయుధాల తయారీ, విస్తరణలకు సంబంధించిన ఆచరణాత్మక అంశాలను”, అలాగే పరికరాలు, సిబ్బంది సంసిద్ధతను బలోపేతం చేయడం తమ అణు కసరత్తుల ఉద్దేశం”అని రష్యన్‌ రక్షణ మంత్రిత్వ శాఖ సోమవారం తెలిపింది. ఉక్రెయిన్‌కు సరిహద్దుగా ఉన్న సదరన్‌ మిలిటరీ డిస్ట్రిక్ట్‌ లో ఈ వ్యాయామాలు జరుగుతాయి. రోస్టోవ్‌-ఆన్‌-డాన్‌లో ప్రధాన కార్యాలయం ఉంది. ఇది రష్యా మిలిటరీ జిల్లాలలో అతి చిన్నది. క్రిమియా, కాకసస్‌, రోస్టోవ్‌, వోల్గోగ్రాడ్‌, క్రాస్నోడార్‌ ప్రాంతాలు, అలాగే ఇటీవలే రష్యాలో కలిసిన డోనెట్స్క్‌ పీపుల్స్‌ రిపబ్లిక్‌, లుగాన్స్క్‌ పీపుల్స్‌ రిపబ్లిక్‌, ఖేర్సన్‌, జపొరొజ్జియో ప్రాంతాలలో ఈ అణు ఎక్సర్సైజెస్‌ జరుగుతాయి1945 ఆగస్టులో జపాన్‌ నగరాలైన హిరోషిమా, నాగసాకిలపైన అమెరికా ప్రయోగించిన ఆయుధాల వంటవి ఇప్పుడు వ్యూహాత్మక అణ్వాయుధాలుగా పరిగణించబడుతున్నాయి. అవి ఫీల్డ్‌ ఫార్మేషన్‌లు లేదా గట్టిపడిన పోరాట స్థానాలు అయినా, యుద్ధభూమి లక్ష్యాలకు వ్యతిరేకంగా ఉపయోగిం చడానికి ఉద్దేశించబడ్డాయి. 5-50 కిలోటన్నుల వ్యూహాత్మక అణు వార్‌హెడ్‌లను బాలిస్టిక్‌ క్షిపణులు లేదా క్రూయిజ్‌ క్షిపణులపై అమర్చవచ్చు. రెండూ ఇస్కాండర్‌-ఎమ్‌ కాంప్లెక్స్‌ నుంచి ప్రయోగించబడతాయి. ఇలాంటి వార్‌హెడ ్‌లను కింజాల్‌, క్రూయిజ్‌ క్షిపణులు రష్యా బాంబర్లు మోసుకెళ్లగలవు. అనేక ఫిరంగి వ్యవస్థలు 152ఎమ్‌ఎమ్‌ షెల్లు , 240ఎమ్‌ఎమ్‌ మోర్టార్‌ రౌండ్లలో అమర్చబడిన 2-2.5 కిలోటన్‌ శ్రేణిలో వ్యూహాత్మక అణు వార్‌హెడ్‌లను కూడా అందించగలవు.రష్యాలో దాదాపు 6,000 అణు వార్‌హెడ్‌లు ఉన్నాయని అంచనా వేయబడింది. నాటో సభ్యులు ఉక్రెయిన్‌కు క్షీణించిన యురేనియం ఆయుధాలను పంపిణీ చేసినందుకు ప్రతిస్పందనగా, గత సంవత్సరం బెలారస్‌లో పేర్కొనబడని సంఖ్యలో వ్యూహాత్మక అణు వార్‌హెడ్‌లు ఉంచబడ్డాయి. ఐరోపాలోని ఆరు స్థావరాలలో సుమారు 180 వ్యూహాత్మక అణు బాంబులను అమెరికా మోహరించింది(ఇటలీలో రెండు, బెల్జియం, జర్మనీ, నెదర్లాండ్స్‌, టర్కియేలలో ఒక్కొక్కటి). ఇటీవల పోలెండ్‌ ప్రభుత్వం తమ దేశంలో అణ్వాయుధ స్థావరాన్ని ఏర్పాటు చేయడానికి సుముఖత వ్యక్తం చేసింది. పోలాండ్‌ అటువంటి అణ్వాయుధ స్థావరాన్ని గనుక నెలకొల్పితే అది తమ లక్ష్యంగా ఉంటుందని రష్యా ప్రకటించి ఉక్రెయిన్‌ వివాదానికి సంబంధించి ”పాశ్చాత్య దేశాల నాయకులు చేస్తున్న ప్రకటనలు ఇటీవలి పోరాట ప్రకటనలు , అనేక నాటో దేశాలు తీసుకున్న చర్యలను తీవ్రంగా అస్థిరపరిచే” నేపథ్యంలో ఈ వ్యూహాత్మక అణు కసరత్తులు జరుగుతున్నాయని రష్యా విదేశాంగ మంత్రిత్వ శాఖ సోమవారం తెలిపింది.
రష్యాకు ”వ్యూహాత్మక ఓటమి” కలిగించాలనే విధానాన్ని అమెరికా నేత్రుత్వంలోని నాటో కూటమి దేశాలు అనుసరిస్తున్నాయని, అది రష్యాతో బహిరంగ సైనిక ఘర్షణ దిశగా నడిపిస్తోందని రష్యా రక్షణ మంత్రిత్వ శాఖ ప్రకటించింది. ఇందుకు ఉదాహరణగా పోలాండ్‌లో అమెరికా అణ్వాయుధాలను ఉంచడం గురించి పోలిష్‌ ప్రకటనలను, ఇటీవలి ఫ్రెంచ్‌, ఇతర నాటో దేశాలు తమ తమ దేశాల సైనికులను ఉక్రెయిన్‌కు పంపే అవకాశం గురించి అధ్యక్షుడు ఇమ్మాన్యుయేల్‌ మాక్రాన్‌, ఇతర నాయకులు చేసిన వ్యాఖ్యలను కూడా రష్యా రక్షణ మంత్రిత్వ శాఖ ఉదహరించింది.
