- వారసత్వాన్ని ప్రశంసిస్తూ ఆధునీకరణకు మద్దతు.
నవతెలంగాణ-హైదరాబాద్: భారత్ బయోటెక్ ఇంటర్నేషనల్ లిమిటెడ్ సహ వ్యవస్థాపకురాలు, మేనేజింగ్ డైరెక్టర్ సుచిత్ర ఎల్లా పబ్లిక్ గార్డెన్స్లోని రాష్ట్ర మ్యూజియంను సందర్శించి, అక్కడి గ్యాలరీలను పరిశీలించారు. ఈ సందర్భంగా ఆమె ప్రాంతీయ పురావస్తు-సాంస్కృతిక వారసత్వాన్ని సమగ్రంగా సంరక్షిస్తున్నందుకు అభినందించారు.
“అమూల్యమైన వారసత్వానికి నిలయమైన నిధి”గా మ్యూజియాన్ని అభివర్ణించిన సుచిత్ర ఎల్లా , అక్కడి సేకరణల నుండి నేర్చుకోవడానికి ఎంతో ఉందని పేర్కొన్నారు. ఈ వారసత్వాన్ని సంరక్షించడం సమిష్టి బాధ్యత అని ఆమె తెలిపారు. జ్ఞాన భాగస్వామ్యాలు, CSR నిధులను ఉపయోగించి సంరక్షణ, ప్రదర్శనలను మెరుగుపరచడానికి భాగస్వామ్య విధానాలను అన్వేషించడానికి ఆసక్తి వ్యక్తం చేశారు. పురావస్తు, మ్యూజియంల శాఖ చేస్తున్న కృషిని అభినందిస్తూ, CSR కార్యక్రమాల ద్వారా మ్యూజియం ఆధునీకరణకు తాము మద్దతు ఇవ్వడానికి సిద్ధంగా ఉన్నామని తెలిపారు.
ప్రధాన కార్యదర్శి శ్రీమతి శైలజా రామయ్యర్ మాట్లాడుతూ.. పురావస్తువులు ప్రాచీన రాజవంశాలు, నాగరికతల వారసత్వాన్ని ప్రతిబింబిస్తాయని చెప్పారు. మ్యూజియంలు ప్రస్తుత మరియు భవిష్యత్ తరాలకు చరిత్ర, పురావస్తు, కళ, సంస్కృతి మరియు పూర్వ సమాజాల విజయాలను తెలియజేయడంలో కీలక పాత్ర పోషిస్తాయని పేర్కొన్నారు. మ్యూజియంలు ప్రజలకు దేశ చరిత్రను అవగాహన చేసుకునే విద్యా కేంద్రాలుగా నిలుస్తాయని ఆమె అన్నారు.
డిపార్ట్మెంట్ ఆఫ్ హెరిటేజ్ తెలంగాణ డైరెక్టర్ ప్రొఫెసర్ ఆర్జున్ రావు కుతడి, మ్యూజియం భవనానికి అత్యవసరంగా సంరక్షణ, పునరుద్ధరణ అవసరం ఉందని తెలిపారు. అన్ని గ్యాలరీల అప్గ్రేడేషన్, పురావస్తువుల డిజిటైజేషన్, నాణేల గ్యాలరీ, ఆయుధాల గ్యాలరీ, ఫాసిల్స్ గ్యాలరీ ఏర్పాటు, ఆధునిక ప్రదర్శన పద్ధతులు, సందర్శకుల సౌకర్యాల అభివృద్ధి వంటి ప్రతిపాదనలను వివరించారు. రాష్ట్ర మ్యూజియం సమగ్ర అభివృద్ధికి CSR మద్దతు అందించాలని సుచిత్ర ఎల్లాని ఆయన అభ్యర్థించారు. అలాంటి మద్దతుతో మ్యూజియాన్ను ప్రపంచ స్థాయి వారసత్వ కేంద్రంగా, పర్యాటక ఆకర్షణగా, సాంస్కృతిక గర్వానికి ప్రతీకగా అభివృద్ధి చేయవచ్చని తెలిపారు.సందర్శనకు వచ్చిన ప్రతినిధులు శాఖ చేస్తున్న కృషిని ప్రశంసిస్తూ, తెలంగాణ పురావస్తు వారసత్వ పరిరక్షణ మరియు ప్రోత్సాహానికి తమ మద్దతు కొనసాగుతుందని హామీ ఇచ్చారు.
ఈ కార్యక్రమంలో ఆమెతో పాటు రెవెన్యూ (ఎండోమెంట్స్) శాఖ ప్రధాన కార్యదర్శి శైలజా రామయ్యర్, అనమయ బయోటెక్ సీఈఓ డా.జలచారి ఎల్లా, భారత్ బయోటెక్ సీఎఫ్ఓ శ్రీ కన్నన్ సౌందరరాజన్, బీబీఐఐఎల్ వైస్ ప్రెసిడెంట్ (ఇండస్ట్రియల్ పార్క్స్ & ఇన్ఫ్రాస్ట్రక్చర్ స్ట్రాటజీ) శ్రీ ఆదిత్య సుర్నేని, ఉపనిర్దేశకులు డా.పి.నాగరాజు, సహాయ దర్శకులు బి. మల్లు, చి. మాధవి, భారత్ బయోటెక్ బృంద సభ్యులు పాల్గొన్నారు.
