న‌వ‌తెలంగాణ-హైద‌రాబాద్ : అచ్చంపేట మాజీ ఎమ్మెల్యే, బీఆర్ఎస్ నేత గువ్వల బాలరాజుకు ఎన్నికల ప్రచారంలో షాక్ తగిలింది. పదేళ్లు ఎమ్మెల్యేగా ఉండి ఏమీ చేయలేదని ఆగ్రహం వ్యక్తం చేస్తూ ఆయన ప్రచారాన్ని పలువురు అడ్డుకున్నారు. అచ్చంపేట మండలం మన్నెవారిపల్లిలో సోమవారం ఆయన ప్రచారానికి వెళ్లారు. స్థానికులు ఆయన ప్రచారాన్ని అడ్డుకున్నారు. ఎస్ఎల్‌బీసీ, నక్కలగండి నిర్వాసితులకు అన్యాయం చేశారని ఆగ్రహం వ్యక్తం చేశారు. 2014 నుంచి ఇటీవలి వరకు ఎమ్మెల్యేగా ఉండి కనీసం ముంపు బాధితులను ఆదుకోలేదని విమర్శించారు. వారు అడ్డుకోవడంతో ఆయన ప్రచారాన్ని మధ్యలో ఆపేసి అక్కడి నుంచి వెళ్లిపోయారు. 2014, 2019 అసెంబ్లీ ఎన్నికలలో రెండుసార్లు గెలిచిన గువ్వల బాలరాజు 2023లో మాత్రం కాంగ్రెస్ అభ్యర్థి చేతిలో ఓడిపోయారు.
Related posts:
సీపీఐ(ఎం) రాష్ట్ర కార్యదర్శి తమ్మినేనికి అస్వస్థత
రేపు సాయంత్రంలోగా వివరాలు ఇవ్వండి: సీఎస్‌ శాంతికుమారి కీలక ఆదేశాలు
తమ్మినేని హెల్త్ బులెటిన్‌ విడుదల చేసిన ఏఐజీ ఆస్పత్రి
ఢిల్లీకి ఆరెంజ్ అలర్ట్…పంజాబ్, హ‌ర్యానాకు రెడ్ అలర్ట్
ఘనంగా ప్రారంభమైన జల్లికట్టు ఉత్సవాలు
పచ్చిమాంసం తినొద్దన్నందుకు … యువకుడి హత్య