నవతెలంగాణ- నసురుల్లాబాద్ నసురుల్లాబాద్ మండలంలోని దుర్కి శ్రీ సోమా లింగేశ్వర ఆలయంలో మంగళవారం అధికమాస సందర్భంగా అఖండ హరినామ సప్తను ప్రారంభించారు. ఈ సప్త కార్యక్రమం ఒక్క నెల రోజుల పాటు సంకీర్త కార్యక్రమం కొనసాగుతుందని కమిటీ సభ్యులు తెలిపారు. అఖండ హరినామ సప్తా అంగరంగ వైభవంగా జరిగింది. రాష్ట్ర నాయకులు పోచారం సురేందర్ రెడ్డి నేతృత్వంలో గ్రామస్తుల ఆధ్వర్యంలో నెల రోజుల పాటు ఈ సప్తాహ వేడుకలు ఘనంగా నిర్వ హిస్తారు. గ్రామంలోని ప్రతీ ఒక్కరూ వేకువజాముననే ఆలయా నికి వెళ్లి కాగడ హారతిలో పాల్గొంటారు.దుర్కి శివారులో వెలసిన స్వయం భులింగేశ్వర ఆలయ సందర్శించడం కోసం వివిధ ప్రాంతాల నుంచి భక్తులు తరలివస్తారు. ఈ కార్యక్రమంలో రాములు మహారాజ్ మైనవార్కరి కిష్టాపూర్ సొసైటీ చైర్మన్ శ్రీనివాస్ యాదవ్, మాజీ జడ్పిటిసి కిషోర్ యాదవ్, మహేందర్ రెడ్డి, పత్కరి విఠల్, శ్రవణ్ కుమార్, పిట్ల సాయిలు విఠల్, మహారాజ్, వీరేశం నాందేవ్ మహారాజ్ తదితరులు పాల్గొన్నారు.
