నవతెలంగాణ – హైదరాబాద్: తెలంగాణలో లోక్ సభ ఎన్నికల ప్రచారం ఊపందుకుంది. ప్రధాన పార్టీలన్నీ సభలు, సమావేశాలు, ర్యాలీలతో బిజీబిజీగా గడుపుతున్నాయి. ముఖ్యంగా అందరికి కంటే ముందే ఎన్నికల ప్రచారం ప్రారంభించిన బీఆర్ఎస్ పార్టీ పార్లమెంట్ ఎన్నికల్లో గెలుపే లక్ష్యంగా వ్యూహాలు రచిస్తోంది. వరుసగా నియోజకవర్గాల వారీగా సమావేశాలు నిర్వహిస్తూ నేతలు, కార్యకర్తలకు దిశానిర్దేశం చేస్తోంది. ముఖ్యంగా పార్టీ కార్యనిర్వాహక అధ్యక్షుడు కేటీఆర్, మాజీ మంత్రి హరీశ్ రావు నియోజకవర్గాల వారీగా భేటీ అవుతూ పార్టీలో జోష్ నింపుతున్నారు. ఇందులో భాగంగా ఇవాళ కేటీఆర్ నాగర్కర్నూల్ జిల్లాలో పర్యటించనున్నారు. అక్కడ నిర్వహించే కార్యకర్తల విస్తృతస్థాయి సమావేశంలో పాల్గొంటారు. ప్రస్తుత కాంగ్రెస్ ప్రభుత్వ వైఖరిని.. పదేళ్ల తమ పాలనలో తీసుకున్న చర్యలను వివరిస్తూ ప్రజల్లోకి వెళ్లేలా ప్రచార కార్యక్రమాలపై పార్టీ నేతలకు దిశానిర్దేశం చేయనున్నారు.
Related posts:
తొమ్మిదిన్నరేళ్ల ప్రగతిపై కేటీఆర్ ప్రజెంటేషన్..
డిసెంబర్ 4న క్యాబినెట్
తెలుగు రాష్ట్రాల్లో నీటి పంపకాలపై వివాదం.. కేసీఆర్‌కు తెలిసేచేశాడు: రేవంత్ రెడ్డి
కేటీఆర్, హరీశ్ రావులు ప్రయాణిస్తున్న వాహనంపై కోడిగుడ్లతో దాడి
ఇది రాజకీయ సభ కాదు.. పోరాట సభ : కేసీఆర్
ఆటో డ్రైవర్‌లకు ప్రమాద బీమా పత్రాలు అందజేసిన కేటీఆర్