పోషక విలువలు పాలకంటే అధిక మోతాదులో జున్నులో ఉంటాయి. ఈ జున్నుతో రకరకాల వంటకాలు చేసి తీసుకుంటారు. దీనిని ఎలా తీసుకున్నా ఆరోగ్యానికి మంచిదేనని చెప్తున్నారు వైద్యులు. రోగనిరోధక శక్తిని పెంచుకునేందుకు కూడా ఇదో మంచి మార్గం. జున్ను తీసుకుంటే కలిగే మరికొన్ని ఆరోగ్య ప్రయోజనాల గురించి ఓ సారి చూద్దాం…
జున్నులో క్యాల్షియం ఎక్కువగా ఉంటుంది. ఇది ఎముకలు, దంతాల బలానికి ఎంతో దోహదపడుతుంది.
గర్భిణి స్త్రీలు ప్రతిరోజూ రెండుపూటలా జున్నులో కొద్దిగా చక్కెర లేదా తేనె కలిపి తీసుకుంటే శిశువు ఆరోగ్యానికి ఎంతో సహాయపడుతుంది. తల్లిపాలు కూడా వద్ధి చెందుతాయి.
జున్నులోని విటమిన్‌ బి2, ఎ, కె, డి వంటివి జీవక్రియలు సరిగ్గా జరిగేలా చేస్తాయి. జున్ను తరచుగా తీసుకోవడం ద్వారా చర్మం సౌందర్యం కూడా రెట్టింపవుతుంది.
కొంతమంది చూడటానికి చాలా బక్కగా, సన్నగా ఉంటారు. అలాంటివారు ప్రతిరోజూ జున్ను తీసుకుంటే మంచిదని ఆరోగ్య నిపుణులు సూచిస్తున్నారు. జున్నులోని ప్రోటీన్స్‌ శరీరానికి కావలసిన ఎనర్జీని అందిస్తాయి. తరచూ దీనిని తింటే.. జ్ఞాపకశక్తి కూడా పెరుగుతుంది.
జున్ను విరేచననాలు, మలబద్దక సమస్యలను తొలగిస్తుంది.
మధుమేహ వ్యాధితో బాధపడేవారు రోజుకు ఒక్కసారైనా జున్ను తింటే వ్యాధి తగ్గుముఖం పడుతుంది.
శరీరంలో విటమిన్‌ డి కారణంగా ఆస్టియోపోరోసిస్‌ లోపానికి గురికావలసి వస్తుంది. జున్నులో విటమిన్‌ డి అధికంగా ఉండటం వల్ల ఈ లోపాన్ని తొలగించుటలో దోహదం చేస్తుంది.
