– ఏఐటీయూసీ రాష్ట్ర గౌరవాధ్యక్షులు వాసిరెడ్డి సీతారామయ్య
నవతెలంగాణ-ఖమ్మం
మే డే స్ఫూర్తితో హక్కుల రక్షణకై కార్మిక లోకం పోరాడాలని ఏఐటీయూసీ రాష్ట్ర గౌరవాధ్యక్షులు వాసిరెడ్డి సీతారామయ్య పిలుపునిచ్చారు. మంగళవారం ఖమ్మంలోని గిరి ప్రసాద్‌ భవన్‌లో 138వ మేడే దినోత్సవం పోస్టర్‌ను ఆవిష్కరించారు. ఈ సందర్భంగా ఆయన మాట్లాడుతూ ప్రపంచవ్యాప్తంగా కార్మిక పండుగగా మే డేని భావిస్తారని, మే 1వ తేదీన అంతర్జాతీయంగా దాదాపు 180 దేశాలు మేడే దినోత్సవాన్ని జరుపుకుంటాయని తెలిపారు. 1886 వ సంవత్సరంలో పని గంటల కోసం చికాగోలో మొదలైన పోరాటంలో కార్మికుల రక్తం నుండి ఉద్భవించిందే ఎర్రజెండా అన్నారు. ప్రపంచవ్యాప్తంగా జరిగే ఈ పండుగకు ఎలాంటి ఎలక్షన్‌ కోడ్‌ ఆంక్షలు పెట్టకూడదని అధికారులను కోరారు. మే డే స్ఫూర్తితో భవిష్యత్తులో కార్మికుల హక్కుల సాధనకై పోరాడని ఆయన కార్మిక లోకానికి పిలుపునిచ్చారు. ఈ కార్యక్రమంలో ఏఐటీయూసీ రాష్ట్ర కార్యదర్శి సింగు నరసింహారావు, అధ్యక్ష కార్యదర్శులు గాదే లక్ష్మీనారాయణ, తోట రామాంజనేయులు, కార్యనిర్వాహక అధ్యక్షులు రావి శివరామకష్ణ, ఉపాధ్యక్షులు ఎండీ.జాకీరుద్దీన్‌, పేరబోయిన మోహన్‌ రావు, నాయకులు పోటు పూర్ణచందర్‌రావు, మేకల రవి తదితరులు పాల్గొన్నారు.
