లుక్‌ టెస్ట్‌ ఓకే

చిరంజీవి మరో ప్రతిష్టాత్మక ప్రాజెక్ట్‌తో ప్రేక్షకులను అలరించడానికి సిద్ధమవు తున్నారు. డైరెక్టర్‌ బాబీ కొల్లితో కలిసి మెగాస్టార్‌ చేస్తున్న ఈ చిత్రాన్ని కేవీఎన్‌ ప్రొడక్షన్స్‌ బ్యానర్‌పై వెంకట్‌ కె నారాయణ నిర్మిస్తున్నారు. ఈ చిత్రానికి సంబంధించిన లుక్‌ టెస్ట్‌ విజయవంతంగా పూర్తయింది. లుక్‌ టెస్ట్‌ చూస్తుంటే మెగాస్టార్‌ పవర్‌ఫుల్‌, స్ట్రైకింగ్‌ లుక్‌లో కనిపించబోతున్నారని స్పష్టమవు తోంది. ఇప్పటికే విడుదలైన హార్డ్‌ హిట్టింగ్‌ కాన్సెప్ట్‌ పోస్టర్‌ హ్యుజ్‌ బజ్‌ క్రియేట్‌ చేసింది. చిరంజీవి కొత్త షేడ్‌లో కనిపించనున్నట్లు పోస్టర్‌ హింట్‌ ఇచ్చింది. ‘వాల్తేర్‌ వీరయ్య’ బ్లాక్‌బస్టర్‌ తర్వాత చిరంజీవి-బాబీ కాంబినేషన్‌లో వస్తున్న రెండో చిత్రం కావడంతో ఈ ప్రాజెక్ట్‌పై భారీ అంచనాలు ఏర్పడ్డాయి. మాస్‌ ఎంటర్టైన్మెంట్‌ను తనదైన స్టైల్‌లో అద్భుతంగా అందించే బాబీ కొల్లి ఈసారి మెగాస్టార్‌ కోసం మరింత ఇంటెన్స్‌ క్యారెక్టర్‌ను డిజైన్‌ చేశారు. త్వరలోనే ఈ చిత్రానికి సంబంధించిన ముహూర్తం, రెగ్యులర్‌ షూటింగ్‌ వివరాలను మేకర్స్‌ ప్రకటించనున్నారు.