నవతెలంగాణ-హైదరాబాద్ : ఛ‌త్తీస్‌గ‌ఢ్‌లోని దంతెవాడ జిల్లాలో మ‌రోసారి కాల్పుల మోత మోగింది. జ‌వాన్ల‌కు, మావోయిస్టుల‌కు మ‌ధ్య ఎదురుకాల్పులు చోటు చేసుకున్నాయి. ఈ ఎదురుకాల్పుల్లో ఒక జ‌వాను ప్రాణాలు కోల్పోయారు. దంతెవాడ జిల్లా బార్సూర్ ప‌రిధిలోని హంద‌వాడ, హిత‌వాడ‌లో మావోయిస్టులు ఉన్నార‌నే స‌మాచారంతో డిస్ట్రిక్ట్ రిజ‌ర్వ్‌డ్ గార్డ్(డీఆర్‌జీ) పోలీసులు కూంబింగ్ నిర్వ‌హించారు. పోలీసుల క‌ద‌లిక‌ల‌ను ప‌సిగ‌ట్టిన మావోయిస్టులు.. ఒక్క‌సారిగా కాల్పులు జ‌రిపారు. ఈ కాల్పుల్లో దంతెవాడ డీఆర్‌జీ కానిస్టేబుల్ జోగ‌రాజ్ క‌ర్మ మృతి చెందాడు. మ‌రో కానిస్టేబుల్ ప‌ర‌శురామ్‌కు తీవ్ర గాయాల‌య్యాయి. కానిస్టేబుల్ ప‌ర‌శురామ్‌ను చికిత్స నిమిత్తం రాయ్‌పూర్‌కు త‌ర‌లించారు. ఎదురుకాల్పులు చోటు చేసుకున్న ప్రాంతంలో బ‌ల‌గాల కూంబింగ్ కొన‌సాగుతోంది.
Related posts:
సీపీఐ(ఎం) రాష్ట్ర కార్యదర్శి తమ్మినేనికి అస్వస్థత
రేపు సాయంత్రంలోగా వివరాలు ఇవ్వండి: సీఎస్‌ శాంతికుమారి కీలక ఆదేశాలు
తమ్మినేని హెల్త్ బులెటిన్‌ విడుదల చేసిన ఏఐజీ ఆస్పత్రి
ఢిల్లీకి ఆరెంజ్ అలర్ట్…పంజాబ్, హ‌ర్యానాకు రెడ్ అలర్ట్
ఘనంగా ప్రారంభమైన జల్లికట్టు ఉత్సవాలు
పచ్చిమాంసం తినొద్దన్నందుకు … యువకుడి హత్య