కథానాయిక రుహాణి శర్మ నటించిన డిఫరెంట్‌ లేడీ ఓరియెంటెడ్‌ కాన్సెప్ట్‌ చిత్రం ‘హర్‌’. పోలీస్‌ ఇన్వెస్టిగేషన్‌ నేపథ్యంలో తెరకెక్కిన ఈ సినిమాకు శ్రీధర్‌ స్వరాఘవ్‌ దర్శకత్వం వహించారు. డబుల్‌ అప్‌ మీడియాస్‌ సంస్థ తొలి ప్రొడక్షన్‌గా ఈ సినిమాను రఘు సంకురాత్రి, దీపా సంకురాత్రి నిర్మించారు. ఈ చిత్రంలో వికాస్‌ వశిష్ట, ప్రదీప్‌ రుద్ర, జీవన్‌ కుమార్‌, అభిగ్య, సంజరు స్వరూప్‌, బెనర్జీ, రవివర్మ ఇతర ముఖ్యపాత్రలు పోషిస్తున్నారు. ఇప్పటికే పోస్ట్‌ ప్రొడక్షన్‌ వర్క్స్‌ ఫినిష్‌ చేసుకున్న ఈ సినిమా విడుదలకు సిద్ధమైంది.
ఈ సినిమా ఫైనల్‌ కాపీ చూసి, సురేష్‌ ప్రొడక్షన్స్‌ సంస్థ దీన్ని థియేటర్లలో విడుదల చేయడానికి ముందుకు రావడమే తమ విజయానికి తొలి మెట్టు అని దర్శక, నిర్మాతలు తెలిపారు. తాజాగా ఈ సినిమాకు సంబంధించిన రిలీజ్‌ డేట్‌ పోస్టర్‌ను నిర్మాత డి. సురేష్‌ బాబు రిలీజ్‌ చేశారు. సురేష్‌ ప్రొడక్షన్స్‌ డిస్ట్రిబ్యూషన్‌ సంస్థ ద్వారా ఈ సినిమా జూలై 21న థియేటర్లోకి రాబోతోంది. ఈ సినిమా ఆడియో హక్కులను సరిగమ సొంతం చేసుకుంది. ఇప్పటికే రిలీజ్‌ చేసిన పోస్టర్స్‌, టీజర్‌ సినిమాపై హైప్‌ పెంచాయని, సినిమా తప్పకుండా ప్రేక్షకులను అలరిస్తుందనే దీమాని, మంచి కాన్సెప్ట్‌ని ప్రేక్షకులు కచ్చితంగా ఆదరిస్తారనే నమ్మకాన్ని మేకర్స్‌ వ్యక్తం చేశారు.
