‘మత్తువదలరా’ వంటి వైవిధ్యమైన సినిమాలు చేస్తూ తనకంటూ ఓ ప్రత్యేక గుర్తింపు సొంతం చేసుకున్న యువ కథానాయకుడు శ్రీసింహా కోడూరి. ఆయన హీరోగా నటించిన లేటెస్ట్ మూవీ ‘ఉస్తాద్’. ఆగస్ట్ 12న గ్రాండ్ రిలీజ్ అవుతుంది. వారాహి చలనచిత్రం, క్రిషి ఎంటర్టైన్మెంట్స్ బ్యానర్స్పై ఈ చిత్రాన్ని ఫణిదీప్ దర్శకత్వంలో రజినీ కొర్రపాటి, రాకేష్ రెడ్డి గడ్డం, హిమాంక్ రెడ్డి దువ్వూరు నిర్మిస్తున్నారు.
ఈ మూవీ అనౌన్స్మెంట్ నుంచి అందరి అటెన్షన్ను సంపాదించుకుంది. రీసెంట్గా విడుదలైన మూవీ టీజర్, ‘రోజు…’ అనే సాంగ్కు ప్రేక్షకుల నుంచి మంచి రెస్పాన్స్ వచ్చింది. తాజాగా ఈ సినిమా నుంచి ‘ఆకాశం అదిరే..’ అనే వీడియో సాంగ్ రిలీజైంది.
మలయాళ స్టార్ హీరో దుల్కర్ సల్మాన్ ఈ పాటను విడుదల చేశారు. ఈ సాంగ్ ఎనర్జిటిక్గా యూత్కు నచ్చేలా ఉంది. ఎవరైతే బైక్స్ను బాగా ఇష్టపడతారో వారందరికీ ఈ సాంగ్ నచ్చుతుంది. ఉస్తాద్ అనే తన బైక్ను ఇష్టపడే హీరో గురించి ఈ పాటలో చూపించారు.
అతను బైక్ రైడ్ ఎలా నేర్చుకున్నాడు? అతని జీవితంలో ఉస్తాద్ అనే బైక్ ఎలాంటి పాత్రను పోషించిందనే విషయాలను చక్కగా ఎలివేట్ చేశారు. లక్ష్మీ ప్రియాంక రాసిన ఈ పాటను కాల భైరవ, ఆదిత్య శ్రీరామ్ పాడారు. వీరిద్దరి ఎనర్జిటిక్ వాయిస్కు అకీవా.బి అందించిన మ్యూజిక్ నెక్ట్స్ రేంజ్లో కనెక్ట్ అవుతుంది. శ్రీసింహ మూడు డిఫరెంట్ షేడ్స్లో కనిపించ బోతున్నారు. ‘బలగం’ ఫేమ్ కావ్యా కళ్యాణ్ రామ్ హీరోయిన్. డిఫరెంట్ మూవీస్, పరిమిత బడ్జెట్లతో రూపొందుతున్న సినిమాలకు అద్భుతమైన స్పందన వస్తున్న నేపథ్యంలో ఉస్తాద్ నిర్మాతలు అదే నమ్మకంతో సినిమాను ప్రేక్షకుల ముందుకు తీసుకు వస్తున్నారు.
ఇంకా ఈ చిత్రంలో గౌతమ్ వాసుదేవ్ మీనన్, అనుహాసన్, రవీంద్ర విజరు, వెంకటేష్ మహ, రవి శివ తేజ, సాయికిరణ్ ఏడిద కీలక పాత్రల్లో నటించారు అని చిత్ర బృందం తెలిపింది.ఈ చిత్రానికి సినిమాటోగ్రఫీ: పవన్ కుమార్ పప్పుల, ఎడిటర్: కార్తీక్ కట్స్, లైన్ ప్రొడ్యూసర్స్: ప్రజనరు కొనిగరి, రాజేష్ గడ్డం.