నవతెలంగాణ- హైదరాబాద్: ఎప్పటికప్పుడు సరికొత్త అప్‌డేట్స్‌తో యూజర్లను సర్‌ప్రైజ్‌ చేస్తున్న వాట్సాప్‌ ఇప్పుడు మరో సరికొత్త ఫీచర్‌ను అందుబాటులోకి తీసుకొస్తుంది. వాట్సాప్‌ కాంటాక్ట్‌ నంబర్ల స్థానంలో యూజర్‌నేమ్‌ను తీసుకొచ్చేందుకు ప్లాన్‌ చేస్తుంది. ఇప్పటివరకు ఎవరికైనా మెసేజ్‌ చేస్తే అవతలివ్యక్తులకు మన ఫోన్‌ నెంబర్‌ కనిపించేది. దీనివల్ల ఒక్కోసారి వ్యక్తిగత గోప్యతకు భంగం వాటిల్లేది. అందుకే అవతలి వ్యక్తులకు ఇకపై మన ఫోన్‌ నెంబర్‌ తెలిసే వీలు లేకుండా వాట్సాప్‌ యూజర్‌నేమ్‌ అని పిలిచే సరికొత్త ఫీచర్‌ను తీసుకురాబోతోంది. ఈ అప్‌కమింగ్‌ ఫీచర్‌ గురించి వాట్సాప్‌ బీటా ఇన్ఫో ఆసక్తికర విషయాలను వెల్లడించింది. వాట్సాప్‌ యూజర్‌నేమ్‌ ఫీచర్‌ ప్రకారం.. మనం ఎవరికైనా మెసేజ్‌ చేస్తే అవతలి వ్యక్తులకు మన ఫోన్‌ నెంబర్‌ బదులు యూజర్‌ నేమ్‌ కనిపిస్తుంది. దీనికోసం యూనిక్‌ యూజర్‌నేమ్‌ను క్రియేట్‌ చేసుకోవాల్సి ఉంటుంది. ప్రస్తుతం ఈ ఫీచర్‌ ఆండ్రాయిడ్‌ బీటా 2.23.11.15 వెర్షన్‌లో కనిపించిందని వెల్లడించింది. అంతేకాకుండా దీనికి సంబంధించిన ఓ స్క్రీన్‌షాట్‌ను కూడా షేర్‌ చేసింది. దీని ప్రకారం వాట్సాప్‌ సెట్టింగ్స్‌లోని ప్రొఫైల్‌ సెక్షన్‌లోకి వెళ్లి యూజర్‌నేమ్‌ను సెట్‌ చేసుకోవాల్సి ఉంటుంది.
Related posts:
వీఆర్ఏల స‌ర్దుబాటు.. కొత్త‌గా 14,954 పోస్టులు మంజూరు
షాకింగ్ వీడియో.. మొసలికి ఆహారంగా మారిన క్రీడాకారుడు
ఆర్టీసీ కార్మికులు మాత్రమే విలీనం
సంక్షేమమే త‌ప్ప.. సంక్షోభం లేదు రాష్ట్రం తెలంగాణ: కేటీఆర్
టీఎస్ఆర్టీసీ బిల్లుకు గ‌వ‌ర్న‌ర్ ఆమోదం
పాటకు ప్రపంచ ప్రఖ్యాతి తెచ్చిన కళాకారుడు గద్దర్‌ : సీఎం కేసీఆర్‌