చిరంజీవి, మెహర్ రమేష్ కాంబినేషన్లో వస్తున్న తొలి చిత్రం ‘భోళా శంకర్’ మ్యూజికల్ ప్రమోషన్లు ఇటీవలే మొదటి పాట ‘భోళా మానియా’తో ప్రారంభమయ్యాయి. ఈ పాటకు అద్భుతమైన స్పందన వచ్చింది. మహతి స్వర సాగర్ ఫుట్ టాపింగ్ మాస్ నెంబర్ను స్కోర్ చేశారు. ఈ పాటలో చిరంజీవి స్టెప్పులు చూడటానికి కన్నుల పండగలా ఉన్నాయి. రామబ్రహ్మం సుంకర ప్రతిష్టాత్మకంగా నిర్మిస్తున్న ఈ యాక్షన్ ఎంటర్టైనర్ చిత్రీకరణ తుది దశకు చేరుకుంది. ప్రస్తుతం హైదరాబాద్లో వేసిన భారీ సెట్లో చిరంజీవి, తమన్నా భాటియా, కీర్తి సురేష్, ఇతర నటీనటులందరిపై ఓ డ్యాన్స్ నెంబర్ని శేఖర్ మాస్టర్ కొరియోగ్రఫీలో షూట్ చేస్తున్నారు. ఈ పాటకి కూడా మహతి అద్భుతమైన మ్యూజిక్ అందించారు. ఈ డ్యాన్స్ నెంబర్ను మేకర్స్ ఎక్స్ట్రార్డినరిగా చిత్రీకరిస్తున్నారు. అనిల్ సుంకర ఎకె ఎంటర్టైన్మెంట్స్ నిర్మిస్తున్న ఈ చిత్రంలో తమన్నా కథానాయికగా నటిస్తుండగా, చిరంజీవి సిస్టర్గా కీర్తి సురేష్ కనిపించనుంది. సుశాంత్ ఈ సినిమాలో లవర్ బారు పాత్రలో కనిపించనున్నారు. ఆగస్టు 11న ప్రపంచ వ్యాప్తంగా గ్రాండ్గా ఈ సినిమా విడుదల కానుంది అని చిత్ర బృందం తెలిపింది. రఘు బాబు, మురళీ శర్మ, రవిశంకర్, వెన్నెల కిషోర్, తులసి, సురేఖా వాణి, శ్రీ ముఖి, హైపర్ ఆది, వైవా హర్ష, ప్రదీప్, అనీ, బిత్తిరి సత్తి, సత్య, గెటప్ శ్రీను, వేణు టిల్లు, తాగుబోతు రమేష్, రష్మీ గౌతమ్, ఉత్తేజ్, వీర్, షావర్ అలీ, తరుణ్ అరోరా తదితరులు నటిస్తున్న ఈచిత్రానికి డీవోపీ: డడ్లీ, ఎడిటర్: మార్తాండ్ కె వెంకటేష్, ప్రొడక్షన్ డిజైనర్: ఏఎస్ ప్రకాష్, కథా పర్యవేక్షణ: సత్యానంద్, డైలాగ్స్: తిరుపతి మామిడాల, ఫైట్ మాస్టర్స్: రామ్-లక్ష్మణ్, దిలీప్ సుబ్బరాయన్, కాచే కంపాక్డీ, లిరిక్స్: రామజోగయ్య శాస్త్రి, కాసర్ల శ్యామ్, శ్రీమణి, సిరాశ్రీ.